«Жаңа толқын-2015» байқауының жүлдегері қазақстандық жас әнші Динара Қайырованың (Ademi) тұңғыш альбомы Жаңа жыл қарсаңында жарыққа шығады. Бұл туралы ол бүгін Орталық коммуникациялар қызметінде өткен брифинг барысында мәлімдеді.
«Мен бұл байқауға қатысуды бала кезден бері арманададым. Арманым орындалды, қатысып қана қойған жоқпын, жүлдегер атандым. Сондай-ақ, тағы бір жағымды жаңалығым бар, келер жылдың басында өзімнің тұңғыш ән жинағымның тұсауы кесілмек. Қазір менің репертуарымда бірнеше ән бар. Солардың басын құрап, жеке альбомымды шығармақшымын. Сонымен бірге, ағымдағы жылдың соңына дейін екі әніме бейнеклип түсіру жоспарда тұр», - деді ол.
Сондай-ақ, әнші өзінің бүркеншік есімі туралы көп ойланғандығын жеткізді. Оның айтуынша, қазіргі қазақ эстрадасында Динара есімді әнші көп, ал Дина деген ат тым қарапайым. Кішкентай кезінде атасы «әдемі сары қыз» деп атаған. «Ademi» атауы осыдан шығыпты.
Айта кетейік, Сочи қаласында өткен жас әншілер байқауының қорытындысы бойынша қазақстандық әнші Ademi екінші орын иеленген болатын. Ол бұған дейін Варнадағы (Болгария), Ресейдегі («Ресей жұлдызы»), Испаниядағы халықаралық музыкалық байқаулардың лауреаты, Сочидегі «Еуропа үміті» халықаралық музыкалық байқауының екінші сыйлығының лауреаты атанған. Сондай-ақ, Мальта, Австрия, Германия, Италия және Чехиядағы түрлі халықаралық музыкалық фестивальдерде өнер көрсетті.


Дәреже: 5.0/1


Қаралды: 174, Қосылды: 27.10.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 791
Онлайн отырғандар: 11
Қонақтар: 11
Қолданушылар: 0
0:00 0:00
Saz-Alemi player