«Әлем аруы - 2015» халықаралық сұлулық байқауы Қытайдың Санья қаласында өтетін болады. Отандасымыз Регина Вандышева халықаралық сұлулық байқауына қызу дайындалуда.  
Әлемдік деңгейде өтетін сайыста Қазақстан намысын «Қазақстан аруы - 2014» Регина Вандышева қорғайтыны белгілі. Онда дүниенің түкпір-түкпірінен келген титулы бар арулар бір ай бойы финалға дайындалады. Осы уақыт аралығында олар қайырымдылық жобалар, фотосессиялар, ең үздік Ұлттық костюм байқауы, дарындылар думаны және дефилеге қатысады.
Ол қазақ және ағылшын тілдерінен белсенді түрде білім алып, макияж, шаш сәндеу шеберлігі бойынша кәсіби курстан өтті. Сондай-ақ, спортпен белсене айналысуын тоқтатпады. Регина жеңіл атлетикадан спорт шеберінің кандидаты. Спортқа бейім мінез-құлқының арқасында кез келген қиындыққа төтеп беріп, байқаудаөзін жоғары деңгейде өнер көрсете алатынына сенімді.
«Санаулы күндер қалды, толқып тұрған сияқтымын. Әртүрлі мемлекеттен 100 қатысушы жиналады. Ең басты мақсатым – лайықты өнер көрсетіп, елімізді таныту. Мен бәріне позитивпен қараймын, ешқашан ашуланбаймын. Бәрі өз қолымызда. Мүмкін емес ештеңе жоқ, мен өзіме сенемін», - дейді Регина Вандышева.
Айта кетейік, «Әлем аруы - 2015» байқауының финалы 19 желтоқсанда өтеді. ОАР-дың қазіргі жеңімпазы Ролен Штраус тәжі мен құзыретін жаңа таңдалған аруға беретін болады.

Дәреже: 0.0/0


Қаралды: 177, Қосылды: 24.11.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 694
Онлайн отырғандар: 3
Қонақтар: 3
Қолданушылар: 0
0:00 0:00
Saz-Alemi player