Ақтөбе облысында Тұңғыш Президент күніне арналған шаралар басталды. Мереке қарсаңында түрлі фестивальдер, тақырыптық кештер, конкурстар, конференциялар, класс сағаттары, дөңгелек үстелдер, көрмелер, концерттік бағдарламалар, спектакльдер, ауыл шаруашылығы жәрмеңкелері, бос орындар жәрмеңкелері, қайырымдылық акциялары, әртүрлі спорттық іс-шаралар өтеді. Мәселен, 20 қараша күні Әлия Молдағұлова атындағы облыстық мемориалдық мұражайында ҚР Тұңғыш Президенті күніне және ҚР Гимнінің авторы Ж.Нәжімеденовтің 80 жылдығына арналған «Елін сүйген тұлғалар» тақырыптық кеші болады.
«Облыстық филармонияда «Халықтық» «Сұңқар» вокалды тобының 5 жылдығына арналған «Тәуелсіз елдің қыраны - Сұңқар» мерекелік бағдарламасы көрермендердің назарына ұсынылады. 25 қарашада «Балаларға бақыт сыйлаймыз» VI қайырымдылық балы, 30 қарашада облыстық өнер мұражайында этнограф Серік Әжіғалидің «Ақтөбе облысының көрнекті сәулеттік ескерткіштері» сурет-көрмесі өтеді»,- дейді Ақтөбе қалалық мәдениет және тілдерді дамыту бөлімінің бастығы Маржан Қорғанбаева.
Қала әкімінің баспасөз қызметкері Лариса Томчуктің айтуынша, 1 желтоқсанда «Қоныс» спорт сарайында ҚР Тұңғыш Президенті Күніне арналған «Менің Елім! Менің Президентім!» атты театрландырылған мерекелік бағдарлама қойылады. Қазақстан халқы Ассамблеясы ғимаратында «Қазақстан-Ресей: Шекарасыз достық» ғылыми-практикалық конференциясы ұйымдастырылып, Ғ.Жұбанова атындағы облыстық филармонияда «Ел тұтқасы – Елбасы» мерекелік концерті, орталықтағы ойын-сауық кешенінде «Елі сүйген, Елін сүйген Елбасы» мерекелік бағдарламасы болады.

Дәреже: 0.0/0


Қаралды: 157, Қосылды: 25.11.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 841
Онлайн отырғандар: 8
Қонақтар: 8
Қолданушылар: 0
0:00 0:00
Saz-Alemi player