1 желтоқсанда «Астана Опера» театрының Камералық залында жарқыраған музыкалық туындылар орындалады, олардың ішінде Нұрсұлтан Назарбаевтың сүйікті әндері де бар. «Елім деп соққан жүрегі» атты мерекелік концерт Тұңғыш Президент Күніне арналады. 
1991 жылы 1 желтоқсанда жалпыхалықтық сайлаудың нәтижесінде Нұрсұлтан Назарбаев Қазақстан Республикасының Тұңғыш Президенті болып сайланғанын еске сала кетейік. Мереке Қазақстанның Тұңғыш Президентінің Республикаға сіңірген зор еңбегін атап өту және таныту мақсатымен белгіленген.Кеште қазақ, орыс және батыс еуропалық композиторлардың вокалдық және аспаптық шығармалары орындалады. Бағдарламадағы Тұңғыш Президенттің сүйікті әндері: «Дудар-ай», Е. Хасанғалиевтің «Мереке күніңмен», «Коробейники» және т.б. ерекше орын алады. Бұдан басқа тыңдарманға М. Гранжанидің «Байырғы стильдегі ариясы», Г. Диникудің «Хороводы», Ж. Бизенің «Кармен» операсынан Р. Мендестің өңдеуіндегі әйгілі «Хабанерасы» ұсынылады.
Көрерменді күтіп тұрған музыкалық сыйлықтар – солисттер джаз композицияларын, арфаның сүйемелдеуімен С. Рахманиновтың «Алеко» операсынан жас сығанның романсын орындайды, Балалар студиясының жас әртістері Ә. Әбдінұровтың «Сүйікті менің Қазақстаным» қойылымын және тағы басқа бірнеше нөмірлер дайындауда.- Біз көрерменімізге нағыз мереке сыйлағымыз келеді. Концерттің тақырыбын түрлендіріп, күлкілі номерлер қостық, сахнамызда орындалмаған композициялар ұсынылады. Барлық солисттер ұлт Көшбасшысына өз ризашылықтарын білдіреді, ол кісі мәдениетті қолдайды, біздің спектакльдерге, тұсаукесерлерге келеді – бұл биік мақсаттарға жетуге ынталандырады. Осы салтанатты күні Отанымызға деген сүйіспеншілігімізді музыка тілінде жеткізгіміз келеді, - дейді аға концертмейстер Елена Сахно.
Концертте өнер көрсететін операның жарқын солисттері: ҚР Еңбек сіңірген әртісі Жаннат Бақтай, Башқұртстанның Еңбек сіңірген әртісі Әлфия Кәрімова, ҚР Еңбек сіңірген қайраткерлері Маргарита Дворецкая мен Жан Тәпин, халықаралық конкурстардың лауреаты Талғат Ғалеев, дарынды аспапшы-музыканттар Любовь Ткаченко (арфа), Кирилл Красюков (скрипка), Александр Малиновский (туба), ішекті аспаптар квартетінің құрамында: Ережепова Нарғыз, Кирилл Красюков (скрипкалар), Жанар Ахатова (альт), Құрбанжан Ахатов (виолончель), сонымен қатар Алтынғаным Ахметова жетекшілік ететін «Астана Опера» Балалар театры студиясының хоры.
Фортепиано партиясын халықаралық конкурстардың дипломанты, «Мәдениет қайраткері», концерт авторы Елена Сахно орындайды. 

Дәреже: 0.0/0


Қаралды: 116, Қосылды: 28.11.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 710
Онлайн отырғандар: 5
Қонақтар: 5
Қолданушылар: 0
0:00 0:00
Saz-Alemi player