Ғ.Мүсірепов атындағы Қазақ мемлекеттік академиялық балалар мен жасөспірімдер театрының актері, «Құрмет» орденінің иегері Мұрат Ахманов BAQ.kz тілшісіне берген арнайы сұхбатында қазақ өнерінің, соның ішінде театр саласының жоғары деңгейде дамуы Елбасы Нұрсұлтан Әбішұлы Назарбаевтың қолдауымен болғанын айтты.  
«Тәуелсіздік жылдары Қазақстан мәдениетінің қайта өрлеу дәуіріне айналды. Осы уақыт ішінде мәдениет мекемелерінің керегесі кеңге жайылды. Облыстарда қаншама театрлар ашылды. Бұрын бар театрлардың жұмысы жанданып, құрылыстары қайта жөндеулерден өтті. 2000 жыл Мәдениет жылы етіп белгіленіп қыруар жұмыстар атқарылды. Тәуелсіздіктен бері жыл сайын республикалық драма театрлар фестивалі өтуде. Ол таланттыларды тануға мүмкіндік жаратып, қаншама актерлер биік белестерге көтеріліп жатыр»,-дейді Мұрат Ноянбайұлы.
Актер тәуелсіздік жылдарынан бері Елбасының тиімді саясаттарының арқасында қыруар құнды сахналық шығармалардың өмірге келгенін, талайлаған талант иелерінің киелі сахнаға көтерілгендігін айтты.
«Жоғары оқу орындарында өнер саласына қатысты көптеген жаңа мамандықтар ашылды. Кафедралар мен факультеттер жұмыс істеп жатыр. Тек қана өнер бағыты бойынша білім беретін Т.Жүргенов атындағы өнер академиясы мен Қазақ ұлттық өнер университетінен қаншама өнерлі жастар түлеп ұшуда. Театр саласы жоғары деңгейде дамыды. Оған дәлел, опера және балет театрларының қойылымдарына жүзден астам адамға дейін қатысып, хор, оркестр және балет труппасы сияқты ұжымдар қалыптасты. Операда музыка мен сурет, драматургия мен вокал, актерлік шеберлік сияқты қайталанбас өнер түрлері бір сахнада тоғысып, бірегей мәдениет туындылары жасалды. Осындай қиын да күрделі жұмыстарға Елбасы қолдау көрсетпей, мемлекет көңіл бөлмейтін болса театрымыз да осындай деңгейде дамымас еді»,-дейді актер.

Дәреже: 0.0/0


Қаралды: 174, Қосылды: 01.12.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 755
Онлайн отырғандар: 12
Қонақтар: 12
Қолданушылар: 0
0:00 0:00
Saz-Alemi player