Бұған дейін театр және эстрада жұлдызы Айгүл Иманбаева өзі иелік ететін «АИ» театрын елордаға көшірлегі жатқаны хабарланған болатын. Енді, міне, Алматы қаласында жаңа өнер мектебін ашып отыр. 
Өнер мектебінің ашылу салтанатына ел ағаларымен қатар әнші әрі актер Айгүлдің өмірдегі де өнердегі әріптестері жиналды. Оның айтуынша, бұл оқу ордасында елге танымал өнер иелерін тәрбиелеп шығарған ұстаздар дәріс оқитын болады.
Gakku телеарнасына берген сұхбатында Айгүл ханым психолог болуды қалайтынын айтып қалды. «Егер психолог болсам, жақсы ұстаз болар едім», - дейді актер.
Бұл мектепті ашудағы басты мақсат ақша емес дейді Айгүл Иманбаева. «Бұл жерден асқан пайда таппасам да, комуналдық ақысын төлесем болғаны», - дейді ол.
Өнер десе ішер асын жерге қоятын әнші һәм актриса қазіргі кезде келбетіне қарауға уақыты жетпей жүргенін жасырмады. 
«Ұйқыдан құр қалғаннан кейін әдемі болмай қаласың», - дейді жұлдыз.
Әлбетте, көрерменнің көңілін тауып, үнемі сахнаның гүлі болу әсте оңайға соқпасы анық. Театр мен шоу-бизнесті қатар алып жүрудің өзі үлкен өнер екені сөзсіз. Осының бәріне үлгеріп жүрген Айгүлге тек сәттілік тілейміз.
Айтпақшы, Айгүл ханым жаңа жылда жаңа бейнеклиппен қуантуға уәде берді. Ендеше, сүйінші хабарды тек өзіңізден күтеміз.  

Дәреже: 0.0/0


Қаралды: 136, Қосылды: 03.12.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 842
Онлайн отырғандар: 1
Қонақтар: 1
Қолданушылар: 0
0:00 0:00
Saz-Alemi player