Күні кеше біздің арнаның сайтында әнші Мархаба Сәбидің жаңа туындысының тұсауы кесілген еді. Оны сайтымыздың оқырмандары бірінші болып тыңдап, өздеріне жүктеп үлгерді. Ал, жағымды үніне үйлесе кеткен әннің астарында терең мағына бар көрінеді.
"Қазіргі аумалы-төкпелі кезеңге сәйкес келіп тұр. Сондықтан, әркімнің жанын жақын, түсінікті деп ойлаймын. Мойымауға, еңсеңді түсірмеуге, жеңілмеуге, сынбауға шақыратын ән", - айтады Мархаба Сәби. Ән «Аялдама» деп аталады. Оның сөзін Мархаба өзінің жары Сәкен екеуі ақылдасып отырып жазған. Ал, әнін әншінің өзі шығарыпты. Аталмыш туындыға жаңа бейнебаян түсірілді. Оның монтажы әлі толық бітпеді. Бірақ, жуық арада ел назарына ұсынылады. Оның сюжеті мынадай. 
"Бұлбейнебаян трековый. Бірақ, ішінде катер бала бар. сол осы әнге сәйкес ішіндегі сезімін іс-қимылдармен жеткізеді", - дейді Мархаба.
Жаңа жылға аз уақыт қалғандықтан Мархаба бұл жылды осымен тәмамдамақ. 
"Биылғы жылды осындай әдемі әнмен тәмамдайық деп шештік. Келесі жылға жоспарлар өте көп. Жаңа әндердің сұлбаларын жасауға кірісіп кеттік. Жақсы әндермен келер жылы қуантармыз деген ниетіміз бар",  - бөлісті Мархаба Сәби.
Қуантыңыз әрине. Әншілердің басты міндеті де сол. Елді әсем әндерімен тербету. Ал, біз жаңа бейнебаянды асыға күтеміз. 

Дәреже: 0.0/0


Қаралды: 155, Қосылды: 05.12.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 769
Онлайн отырғандар: 28
Қонақтар: 28
Қолданушылар: 0
0:00 0:00
Saz-Alemi player