«Астана Опера» театры Тәуелсіздік күніне орай концерт бермекші. 16 желтоқсанда театрдың Мәрмәр залында опералық сахна жұлдыздары және «Астана Опера» театрының хоры мен симфониялық оркестрі өнер көрсетеді. Концертке маэстро Абзал Мұхитдинов дирижерлік етеді. Бұл туралы опера театрының баспасөз қызметі хабарлады. 
Мерекелік кеште қазақ және әлем музыка классикасының танымал шығармалары орындалады. Атап айтсақ, Құрманғазының күйі «Балбырауын», Брусиловскийдің операсынан Қыз Жібектің құрбыларымен бірге орындайтын «Гәкку» сахналық көрінісі, Т. Мұхамеджановтың «Туған жер» атты домбыра мен қобызға арналған дуэті симфониялық оркестрдің сүйемелдеуімен көрерменге ұсынылады. Сонымен қатар, Глинканың «Руслан мен Людмила» операсынан Людмиланың каватинасы, Ардитидің «Поцелуй» әні, «Таис» операсынан скрипкаға арналған Массненің Медитациясы және тағы басқа шығармалар паш етіледі.
"Премьералық шығармалардан Вена консерваториясының түлегі Мәдина Исламова орындайтын В. Беллинидің «Монтекки мен Капулетти» операсынан Джульеттаның ариясы және Алмас Серкебаевтің симфониялық оркестрге арналған түпнұсқадағы «Шалқымасы» қойлады. Бұдан басқа, кеште керемет опера әншісі Жұпар Ғабдуллинаның және «Астана Опера» хорының орындауында Дж. Вердидің «Аттила» операсынан Одабелланың ариясын еске аламыз", - деп атап өтті ҚР еңбек сіңірген қайраткері Абзал Мұхитдинов.
Сондай-ақ, осы кеште операның жарық жұлдыздары мен үздік музыканттары – Бағдат Әбілханов, Руслан Баймурзин, Әлфия Кәрімова, Жұпар Ғабдуллина, Жәмиля Жарқымбаева, Бибігүл Жанұзақ, Айзада Қапонова, Роза Нұркей, Әсем Сембина, Мәдина Исламова, Татьяна Вицинская, Бейімбет Таңарықов, Жанат Шыбықпаев, Талғат Ғалеев, сонымен қатар «Астана Опера» тамаша хоры мен толық үнді симфониялық оркестрі өнер көрсетеді.  

Дәреже: 0.0/0


Қаралды: 118, Қосылды: 07.12.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 832
Онлайн отырғандар: 21
Қонақтар: 21
Қолданушылар: 0
0:00 0:00
Saz-Alemi player