Бүгін Елордада белгілі әнші Қайрат Нұртастың «Мен ғашықпын...» атты жаңа әндер жинағына енген «Мазала» әніне түсірілген бейнебаянының тұсаукесері өтті. Жиын барысында ол қазіргі жоспарлары жайында тыңдармандарымен бөлісті. 
«Жақында Мәскеу қаласында жаңа «Мазала» атты бейнебаянымды түсірдім. Режиссері - Ресейдің білікті режиссері Андрей Голубев. Оған бір-ақ күн кетті. Ресейлік мамандар өте сапалы және жылдам жұмыс істейді екен. Мені таң қалдырғаны – осы. Түсірілім кезінде ешқандай алауыздық, ренжісу деген болған емес. Бейнебаянның бір-ақ күнде дайын болғаны содан шығар деп ойлаймын», - деді ол.
Тыңдарманға жол тартқан бұл жаңа әннің сөзін белгілі ақын Ш.Сариев, әнін Д. Шарипов жазған.
Сондай-ақ, әнші келер жылға тыңдармандарына тағы бір тосын сыйдың дайындалып жатқанын атап өтті. Оның айтуынша, 2016 жылы жақындарымен бірге түскен фильмі де жарық көріп қалуы мүмкін.
Айта кетейік, шара «Түнгі студияда Нұрлан Қоянбаев» бағдарламасының форматында өтті. Кеш барысында Елорда тұрғындары мен қонақтары өздерінің сүйікті әншісімен кездесіп қана қоймай, қолтаңбасы қойылған дискті Қайраттың өз қолынан алу мүмкіндігіне ие болды. Сонымен бірге, әншінің 200 жаңа әндер жинағы мен 1000 дана Қайрат Нұртастың журналы таратылды. 

Дәреже: 0.0/0


Қаралды: 195, Қосылды: 08.12.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 842
Онлайн отырғандар: 2
Қонақтар: 2
Қолданушылар: 0
0:00 0:00
Saz-Alemi player