«Қазақстан дауысы» вокалдық шоуы жобасының финалдық көрсетілімі 20 желтоқсанда «Қазақстан» ұлттық телеарнасының тікелей эфирінде өтеді. «Қазақстан дауысы» вокалдық шоуы жобасының финалдық көрсетілімі 20 желтоқсанда «Қазақстан» ұлттық телеарнасының тікелей эфирінде өтеді. 
Алматының ең танымал деген сауда орталықтарының бірінде еліміздің басты вокалды шоуы «Қазақстан даусы» жобасына қатысушылардың концерті өтті.
Аталмыш шара «Қазақстан дауысы» жобасының 3-ші маусымының финалдық турының алдында өтті. Бұл жоба аясында 3 жылдан бері Қазақстанның ең дарынды деген вокалистері анықталып келеді. Яғни, жобаны болашақ қазақстандық жұлдыздардың фабрикасы деп айтуға толық негіз бар. Осы күні концертке қатысушылардың өнерлерін тамашалау үшін жиналған халық санында шек болмады. Концертпен қатар, оны ұйымдастырушылар сауда орталығына келген қонақтар үшін қызықты викторина ұйымдастырды.
Концертте сонымен қатар, өткен екі маусымның қатысушылары да өнер көрсетті.
«Мен «Қазақстан дауысы» жобасының финалдық кезеңінің қатысушысымын. Бұл жобаға разымын. Өйткені, осы жоба арқылы мен өзімнің ойымда жүрген үлкен мақсаттарымның біріне қол жеткіздім. Бұл өнер мен шығармашылықтың ғажайып әлеміне жол ашатын үлкен мүмкіндік», - деді жобаның бірінші маусымының финалдық кезеңінің қатысушысы Айнара Айтқалиева.
«Мен 3-ші маусымның қатысушыларына бұдан кейінгі кезеңдерде де сәтті өнер көрсетулеріне тілектеспін. Мен әрбір маусымда өнер көрсетушілердің арасында өте мықты әрі дарынды балалар бар деп есептеймін. Бұл жолғысы да солай болады деген ойдамын», - деді басты вокалдық жобаның екінші кезеңінің қатысушысы Мақсат Мақұлбеков.
Осы шараға келген қонақтардың барлығы да жобаға қатысушылармен естелік суретке түсуге мүмкіндік алды. Енді жобаның жеңімпаздары кімдер болады деген мәселе елді елеңдетіп тұрғаны белгілі. Айта кетейік, «Қазақстан дауысы» жобасының бірінші және екінші кезеңінің финалдарында Алмас Кішкенбаев пен Нұрлан Албанның командалары жеңімпаз атанған болатын.
Көрермендер енді үшінші маусымның финалдық көрсетілімдерін күтіп отыр. Ол 20 желтоқсан күні «Қазақстан» Ұлттық телеарнасының тікелей эфирінде өтеді. Сөйтіп, қалың көпшілік өздерінің көкейлерінде көптен бері жүрген үшінші маусымның жеңімпазы кім болады деген сауалдарына жауап алады және 5 миллион теңгені кімнің ұтып алатындығын біледі. 

Дәреже: 0.0/0


Қаралды: 112, Қосылды: 19.12.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 685
Онлайн отырғандар: 12
Қонақтар: 12
Қолданушылар: 0
0:00 0:00
Saz-Alemi player