Оқиға желісі ыстық Үндістанда өрбитін балет суық күнде көрерменді шығыстың бай да, әсемдігі көркем әлемімен жылыту үшін ба, әлде кездейсоқ па, әйтеуір қыста қойылатын үрдіс қалыптасқан. Осылайша өтіп бара жатқан жылдың 25 және 26 желтоқсанында елордалық «Астана Опера» театрында жаңа спектакльдің тұсауы кесіледі. 
Бишілер құрамы анықталған, 25 желтоқсанда Никия партиясын Әйгерім Бекетаева орындаса, Солор – Еркін Рахметоллаев, Гамзатти – Әнел Рүстемова.
26 желтоқсанда Никияның рөлін Мәдина Баспаева сомдаса, Солор – Тайыр Гатауов, Гамзатти – Гауһар Усина. Солордың партиясындағы бишілерді Ресейдің еңбек сіңірген әртісі Константин Заклинский дайындағанын атап өткіміз келеді. Атақты «Көлеңке» сахналық қойылымын 32 балет әртісі билейді, оларды педагог-репетитор Е.А. Шерстнева дайындады. Қоюшы дирижері – Арман Оразғалиев.
"Баядерка" балетіндегі Л. Минкустың музыкасы мұқият салыстыру сүзгісінен өткен М. Петипаның драматургиялық хореографиясымен беттейді, ол сондай-ақ С. Худековпен бірге либретто бойынша да жұмыс жасаған. Балет күллі әлемнің сахналарында бірнеше рет қойылған, оның хореографиясы бірқатар өзгеріске ұшырады..
Владимир Пономарев пен Вахтанг Чабукианидің редакциясы (1941-1948) зор табысқа ие болып, сәл кейінірек оған Константин Сергеев пен Николай Зубковскийдің жеке билері қосылды. Баядерканың рөлімен әлемнің ең үздік сахналарында жарқыраған Ресейдің халық әртісі, «Астана Опера» балетінің көркемдік жетекшісі Алтынай Асылмұратова балеттің қоюшысы.
Балетмейстер балеттің барлық труппасы, миманс, балалар студиясының әртістері қатысатын осындай ауқымды спектакльді кез келген театр қоя бермейтінін айтады. Сахналық қойылымдар мен костюмдерді жоғары білікті қазақстандық мамандар мен әйгілі итальяндық шеберлер – қоюшы суретші – Эцио Фриджерио, костюмдер жөніндегі суретші, «Оскар» сыйлығының иегері – Франка Скуарчапино дайындады. Нәтижесі таң қалдырады – салтанатты сарай, Үндістанды елестететін джунгли мен Гималай тауларының көрінісі, тотықұстар, пілдер мен жыландар – ешкімді енжар қалдырмайды.
Назарыңды аударатын экзотикалық оқиғаның желісі бойынша ғибадатханада қызмет етуші Никия есімді баядеркаға Ұлы брамин мен әйгілі жауынгер Солор ғашық болады. Бұл іңкәр сезімдерден хабарсыз болған раджа Дугманта Солорға зор құрмет көрсетіп, оған өзінің қызы Гамзаттиді тұрмысқа бермек еді. Солор мен Никияның махаббаты туралы раджаға жеткізіп барған Ұлы браминге Солор мен Гамзаттиді үйлендіру идеясы ұнайды, әрине, ашуға бой ұрған әмірші бойжеткенді өлім жазасына кеседі.
Алайда Никияны өлтіру ойында да болмаған Ұлы брамин баядеркаға өлердей ғашық, сол себепті ол Солорды өлімге кесуді ұсынады. Солор мен Гамзаттидің үйлену тойына арналған мерекеде Никия биімен көпшіліктің көңілін көтеруі керек. Соның құрметіне Гамзатти оған гүл салынған себетті тарту етуге бұйрық береді.
Кенет себеттен шыққан жылан баядерканы өлердей шағып алады. Солордың түсіне о дүниелік көлеңкелердің арасынан Никия көрініп, араларындағы сертті есіне салып, көлеңкелер патшалығындағы рақат өмірге шақырады. Сүйіктісінің шақырғанына жауап берген Солор елестер әлемінде мәңгілікке қалады. 

Дәреже: 0.0/0


Қаралды: 92, Қосылды: 25.12.2015

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 826
Онлайн отырғандар: 18
Қонақтар: 18
Қолданушылар: 0
0:00 0:00
Saz-Alemi player