Талай бойдақ жігіттің арманы болған танымал әнші Мөлдір Әуелбекова жақында тұрмысқа шыққан болатын. Жақында әнші «Жұлдыздар отбасы» журналына сұхбат берген екен. Назарларыңызға сол сұхбаттың қысқаша нұсқасын ұсынамыз. 
 Ең әдемі қалыңдық болуыма себепкер болған жолдасым Арыстанға рахмет 
– Мөлдір, жақында ғана асқар таудай әкеңіздің ақ батасын алып жаңа өмірге қадам бастыңыз. Келін болған қалай екен?
– Иә, мен 4 желтоқсан күні әкемнің ақ батасымен, күллі қазақ елінің дұға-тілегімен дәстүрімізді бұзбай қара шаңырақтан ұзатылдым. Келін болу әрбір қыздың арманы ғой. Қыз – жат жұрттық. Менің басқа келіндерден еш айырмашылығым жоқ. Сәлем беріп, келіндік міндетімді ойдағыдай атқарып жүрмін.
– Ата-енеңіз «келініміз әнші» деп сіздің асты-үстіңізге түсіп, еркелетіп жатқан шығар?
 – Жалғыз тұяғының үйленгеніне марқұм қайын атамның әруағы риза болып, бір аунап түскен шығар. ИншАлла жаны жаннатта болғай! Жолдасым керемет адам. Ал оны тәрбиелеп өсірген енем тіптен тамаша жан. Мені келіні емес, өз қызындай жақсы көреді. Жалпы, Жылқыбаевтар әулетіне сіңісіп кетуіме енем қол ұшын беріп, еркелетіп жүр (жымиды).
– Жалпы, той көңіліңізден шықты ма?
– Тойымыз 12 желтоқсан күні киелі Тараз шаһарында өтті. Жолдасым екеуіміздің де туыстарымыз бен жақындарымыз Таразда тұрады. Сондықтан, бастапқыда-ақ тойды Таразда өткіземіз деп шешкен болатынбыз. Жалпы, той көңілімнен шықты. Тойға Мейрамбек Беспаев, Мақсат Базарбаев ағаларымнан бастап, «Меломен», «Заман», «Жігіттер» сынды топтар келіп, қуанышыма ортақтасып, әннен шашу шашты. Сондай-ақ Жанар Айжанова, Динара Қырықбаева, Жадо, Меруерт Мүсірәлі, Ғани Мәтебаев сынды әріптестерім де тойдың құрметті қонағы болды. Ал тойдың тізгінін Нұрлан Албан мен Гүлжан Әліш ұстады. Жадо тойдың алдында менің тойыма арнайы тігіп әкелген коллекциясын көрсетті. Және коллекцияның атын «Мөлдір» деп атапты. Өнерімді бағалап, тойымның жақсы өтуіне атсалысқан Жадоға үлкен алғысымды айтамын.
Сондай-ақ той көйлегі де менің ойымнан шықты. Көйлекті Астана қаласындағы «AssylBridal» брендінің иесі Мадина Көбекова есімді жас дизайнер тіккен. Отандық өнімнің өте әдемі, сәтті шыққанына өте қуандым. Жолдасым бастапқыда-ақ: «Қай көйлекті киемін деп шешесің, сол көйлекті аламыз. Өйткені өміріңде бір рет қана киесің», – деп маған бар жағдайды жасады. Расында да өте әдемі, нәзік көйлек. Ең әдемі қалыңдық болуыма себепкер болған жолдасым Арыстанға және Мадина Көбековаға рахметімді айтамын.
– Ұзынқұлақтан естідік, тойда өзіңіз де әдемі ән айтыпсыз. Бұл әнді жарыңыз Арыстанға арнап жаздырдыңыз ба?
– Иә, тойда орындаған «Бірге жанымыз» деген әнді мен арнайы тапсырыспен жаздырдым. Сөзі – ақын Құрманайдікі. Ал әнін жазған – Шоқан Уәлихан. Әннің бірінші шумағы жарым Арыстанға, екінші шумағы ата-анама, ал үшінші шумағы халыққа арналған.

Дәреже: 0.0/0


Қаралды: 158, Қосылды: 13.01.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 763
Онлайн отырғандар: 26
Қонақтар: 26
Қолданушылар: 0
0:00 0:00
Saz-Alemi player