Қ. Қуанышбаев атындағы Мемлекеттік академиялық қазақ музыкалық драма театры қаңтар айының 27-28 күндері «ЖҰТ» драмасының премьерасын өткізеді. 
Елорда сахнасында тұңғыш рет Тәуелсіздіктің 25 жылдығының аясында қазақ халхының тарихындағы айшықты оқиғаның бірі, ел басына нәубет түскен ашаршылық жылдардағы елдің жай-күйін суреттерейтін драма сахналанбақ.
Авторы – драматург Олжас Жанайдаров, қоюшы режиссері – Айрат Абушахманов, Башқұртстан Республикасының еңбек сіңірген қайраткері, Мажит Гафури атындағы Башқұрт Мемлекеттік академиялық драма театрының режиссері. Қазақ тіліне аударған – Алмас Алтай.
Жаман халық жоқ, ал жаман адамдар әр халықта бар. Бойында ар-намысымен қатар пасықтығы да бірге жүретін адам баласы қанша қасірет кешсе де, өзін жоғалтпай, адамдық қасиеттерін сақтап қала ала ма? Қойылым барысында қиын-қыстау заманды бастан кешкен адамның өз келбетін қаншалықты сақтағанын аңғарып, тағдыр сынағына қалай төтеп бергеніне тәнті боласыз.
Театр сахнасынан көрермен ықыласына кеңінен бөленіп жүрген - ҚР «Дарын» Жастар сыйлығының иегері – Сырым Қашқабаев, Асылбек Қапаев, Айнұр Бермұхамбетова, Жанат Оспанов, Айман Карпсейітова, Нұрсұлтан Есен, Айнұр Жетпісбаева, Жұлдыз Искакова, Ақмарал Танабаева, Алтынгүл Серкебаеваларды көре аласыздар. 

Дәреже: 0.0/0


Қаралды: 114, Қосылды: 19.01.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 726
Онлайн отырғандар: 29
Қонақтар: 29
Қолданушылар: 0
0:00 0:00
Saz-Alemi player