Денис Тен Instagram желісіндегі парақшасына әуен жазып жатқан бейнесін салып, көпшілікті таңқалдырды. Спортшы әуенді өңдеуге арналған бағдарламаны пайдаланып, өзінің көп-көрім композиторлық қабілетінің барын көрсетті. Осы бағдарлама арқылы ол болашақта хит ән жазып шықпақ ниетте екенін айтты. 
«Кешкісін мен бірінші рет Logic Pro музыканы өңдеуге арналған бағдарламаны ашып, компьютерге не үшін отырғанымды ұмытып қалдым. Талапты студенттен мен бір мезетте псевдо-музыкантқа айналдым. Лэптопта ойнап отырып жазған әуендерім көп-көрім шығып жатқан сияқты. Анам маған: «Бірдеңені қолға алып бастасаң, соңына дейін жеткіз» — дейтін, бәлкім, дәл қазіргі жағдайда мәнмәтін басқа болатын шығар, бірақ мен бұл хитімді аяқсыз қалдырмаймын деп шештім, тіпті желіге жүктемек ойым бар. Менің MIDI-пернетақтам мен микрофоным да жоқ, бірақ бұл да мені тоқтата алмады. Спортшымын ғой, не сұрайсыз…» — деп жазды спортшы парақшасына.
 Қолданушылардың дерлігі «Дарынды адам – бар жағынан дарынды» деген сарында пікірлер қалдырып жатыр. Айта кетейік, бұған дейін мәнерлеп сырғанаушы, Олимпиада жүлдегері Денис Тен суретке түсіру өнерінің де бар екенін көрсеткен. Instagram-да ол суреттерін жүктейтін арнайы парақша да ашқан болатын. Қазіргі таңда оған 5000-нан астам адам жазылған.
Біз өз кезегімізде Дениске сәттілік тілейміз. Бәлкім, болашақта Денистің әуеніне жазылған әндерді тыңдап қалармыз?

Дәреже: 0.0/0


Қаралды: 115, Қосылды: 23.01.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 725
Онлайн отырғандар: 23
Қонақтар: 23
Қолданушылар: 0
0:00 0:00
Saz-Alemi player