Танымал актер Санжар Мəдиев жақында жақсы жаңалығымен бөлісті. Ол «The Hollywood Immersive 2016» бағдарламасының стипендиясын жеңіп алды. Бəсеке оңай болмаған. Бақандай 5000 үміткердің арасынан топ жарды. Енді ол əйгілі Голливудта актерлік шеберлігін шыңдайтын болады. Біз Санжардың жетістігіне қуандық. Кішіпейіл, айтқан уақытынан кешікпейтін, жауапкершілігі зор, туған ортасына жанашырлық пен қамқорлық таныта білер қасиетін осыған дейін біраз байқатып үлгерген. Мəселен, былтыр шілдеде Алматының селден зардап шеккен аймақтарына қол көмек көрсеткендердің бірі осы Санжар болатын. АҚШ–қа аттанар алдында Санжар ағаларыңа балалық шағы туралы əңгімелеп беруін өтіндік. 
– Мен Алматы қаласында дүниеге келгенмін. 1-сыныпқа барған кезім есімде. Сол жылы отбасыммен екі-үш рет қоныс ауыстырдық. Сондықтан мен алғашқы оқу жылымды бірнеше мектепте өткіздім. Əр жолы жаңа мектепке, оқушыларға, ұстаздарға тез үйреніп, жаңа достар табуға тырысатынмын. 4-сыныптан бастап өнерге қызығушылығым арта бастады. Мектептегі барлық концертке қатысатынмын. Əн айтып, би билеп, өнер үйірмелеріне баратынмын.
Ұлан: Оқушы кезіңізде киноға түстіңіз бе?
С.Мəдиев: Жоқ, оқушы кезімде киноға түспегенмін. Бірақ, мектеп театрының құрамында ойнадым. Бастауыш сыныптарда оқығанда ертегілерді қоятынбыз. Жоғары сыныптарға көшкенде жасөспірімдерге арналған пьесаларды сахналадық.
Ұлан: Қандай спортпен айналыстыңыз?
С.Мəдиев: Кішкентай кезімнен бастап спортты жақсы көремін. Мектепте футбол да, баскетбол да, волейбол да ойнағанмын. 8-сыныптан бастап баскетболдан мектепаралық жарыстарға қатысып, құрамамызбен көптеген жеңіске жеттік.
Ұлан: Қай пəндер ұнайтын еді?
С.Мəдиев: Информатика, сурет салу, денешынықтыру – менің сүйікті пəндерім болатын.
Ұлан: Бала кезіңізде атқарған айрықша ісіңіз бар ма?
С.Мəдиев: Бала күнімде атам мен апамның қолында көп уақыт өткізетінмін. Үйіміз Алматының орталығында болатын. Үй ауласында қараусыз қалған заттар бар еді, соның бірі – фонтан (субұрқақ). Жасым қаншада болғаны есімде жоқ…
Бір күні сол фонтан аумағын жүзу бассейніне айналдыру ойыма келді. Ол фонтанның іші-сыртына шөп өсіп, топырақ пен цементке толып кеткен еді. Оның ішін экскаватормен тазалауды ойладым. Бірақ, экскаватор жалдауға өзімнің ақшам жетпеді. Сондықтан мен атамнан 2-3 күрек сұрап алып, ауладағы достарымды да осы ниетіме қосылуға шақырдым. Алайда, ешкім қызығушылық білдірмеді. Мен жалғыз өзім 1-2 күн бойы сол фонтанды тазалаумен айналыстым. Алғашында аз жұмыс көрінгенімен, бұл жұмыс маған қиынға түсті. Сол себептен ойымнан айнуға тура келді. Қазіргі күнге дейін аулада жүзу бассейні болса деп армандап келемін. Мүмкін бір күні қолымнан келсе, сол балалық арманымды іске асырармын.

Дәреже: 0.0/0


Қаралды: 83, Қосылды: 29.01.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 710
Онлайн отырғандар: 3
Қонақтар: 3
Қолданушылар: 0
0:00 0:00
Saz-Alemi player