«Жау жүрек мың бала» фильміндегі басты рөлді сомдаған Асылхан Төлепов Алматы қаласы бойынша депутаттыққа түсіп жатыр. Оған халық өз наразылығын білдіріп, түрлі пікірлер жазыпты. Оны оқыған ағасы Артур Төлепов, інісіне жаны ашып, инстаграм парақшасына көңілінің түскенін білдіріп, роман жазыпты.
Артур Төлепов:"Құрметті достар! Кешелі бері бауырым Асылхан жайлы жазылған негативті пікірдерді оқып, көңілім түсті. Туған ағасы болғандықтан, әрине, бұл жайт жүрегімді қынжылтпай қоймайтыны анық. Қаракөз халқым! Бір-бірімізді етектен шалуды, интернетте отырып, жерден алып жерге салуды қашан қоямыз осы?! "Біріңді қазақ бірің дос көрмесең, істің бәрі бос" деген Абай атамыздың өсиетін ұмыттық па? Қазақ халқы тарихта бір ғана жағдайда жеңіліске ұшыраған: ішкі бірлігі жоғалған кезде, бір-бірін көре алмай, табалаған кезде. Кешегі 37-жылғы зұлматта Сталинге арыстарымызды ұстап берген де өзіміздің қазақтар еді...Өкінішті! Тарихтан сабақ алар кез жетті емес пе? 
Қазақтың бір баласы елге қызмет етуге талап қылса, айып па? Неге қолдағанның орнына, аяқтан шалуға тырысамыз? Қазақтың батырларын, билерін еске алсақ, ерте жаста ел ісіне араласқан. "Ата тұрып, ұл сөйлесе - ер жеткені" дейді дана қазақ. Кешегі Сартайдың өзінің ерлігі неге тұрады. Ал бүгіннің "Сартайы" атқа қонса, оған күдікпен қарауымыз қалайша? Бауырымды ел сенімін ақтайтын, аманатқа қиянат қылмайтын, өнер мен қоғамдық қызметті қатар алып жүре алатын азамат ретінде білемін. Қазақтың бір ұлы шыңға шықса, қуанғанымыз дұрыс еді. Қолдағанымыз абзал еді, қазағым!"
Сондай-ақ, оқырмандарының есіне тарихты салып, қазақтарды ауыз-біршілікке шақырды. Сөз соңында бауырына деген сенімін жеткізді: «Бауырымды ел сенімін ақтайтын, аманатқа қиянат қылмайтын, өнер мен қоғамдық қызметті қатар алып жүре алатын азамат ретінде білемін.», -деп аяқтады. Ендеше, креслоға отырған кезде дәл осы ағасының сенімін ақтай алады ма? Оны уақыт көрсете жатар. Екіге бөлінген пікірлерді ескерсек, биылғы сайлаудың боларынан, боладысы қызық болып кеткен сияқты. 

Дәреже: 0.0/0


Қаралды: 134, Қосылды: 26.02.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 773
Онлайн отырғандар: 10
Қонақтар: 10
Қолданушылар: 0
0:00 0:00
Saz-Alemi player