Әнші Айқын наурыздың 2-сі күні жеке концертін беріп, журналистер қауымын кешке шақыруын шақырып алып, орын бермей қойған. Бұл туралы «Айқын» газеті жазады.
Басылым тілшісі Нұрсулу Мырзахметова өз мақаласында: «Кеше әнші Айқын Төлепберген концерт берді. Қала ішіндегі жарнамалар да елең еткізбей қоймады. Бірақ «концерт берді» дегені былай тұрсын, кешкі 19.30-да басталатын концертке журналистерді шақырып алып, орын бермей қуып шыққандай болды» — деп ашуын білдірді. Бұған себеп, концерт ұйымдастырушылар ақпараттық қолдау көрсету үшін барған журналистерге орын да, билет те қарастырмапты. «Өзін Айнұр деп таныстырған баспасөз хатшысының бізге айтқаны сол. Сөзі «интервью алып болсаңдар, қайта бер» дегенге сайды. Мұндай ұйымдастыруға аң-таң қылдық» — дейді журналист.
Әнші концерт басталғанға бір күн қалғанда Инстаграм желісі арқылы журналистер қауымын өзі шақырған болатын: «Құрметті журналистер! 2 наурыз күні Республика сарайында өтетін концертке аккредитацияны мына жерден өтулеріңіз қажет 8701…». Концертке тіркеген Айнұр есімді қыз аккредитация өтер алдында журналистерге қызметтік куәлігі мен жеке куәліктерінің болуы шарт деп ескерткен.Журналист аккредитациядан өтсе де, ұйымдастырушылар 3 мың адамдық Сарайдан орын тауып беруге қауқарсыз болыпты. «Журналистерге хабарландыру тастар алдында неге бұл нәрсе ойластырылмаған? Ал барлық журналистерге орын табылмайтын болса, неге шектеусіз бәрін қаз-қатар «аккредиттей» берген? Өйткені аккредитациядан өтпеген журналист қана шара өтетін жерге кіре алмауы мүмкін. Аккредиттеу дегеннің өзі журналисті тағайындау рәсiмi және оның өкiлеттiгiн мемлекеттік органның, қоғамдық бiрлестiктiң және ұйымның тануы. Журналистерді аккредиттеу қағидаларын бекіту туралы ҚР Мәдениет және ақпарат министрлігінің 2013 жылғы 23 маусымдағы бұйрығы да бар. Сондықтан ақпараттық қолдау көрсету мақсатымен редакциядан рұқсат алып, белгілі бір шараға қатысу үшін аккредитациядан өттің бе, демек, журналист сол жерден ақпарат алуына құқылы, әрі журналистің ақпарат алуына мүмкіндік жасалуы қажет» — деп ашынды журналист.
«Айқын Төлепбергеннің концертіне дейінгі аккредитация өту арқылы қатысып жүрген шаралардың, мейлі ол концерт, не конференция болсын барлығында да журналистің ақпарат алуына толықтай жағдай жасалып, ұйымдастыру жұмыстарына сын келтірген емес. Әлде Айқын мұндай жүйеден хабарсыз ба? Жаңалық жаршысы журналистердің концертке қатыса алмай қалғанымен баспасөз хатшысының шаруасы жоқ. Концерт басталып кеткеніне 10-15 минут өтіп кеткеннен кейін, өзіміздің залға кірумізді сұраған соң бірақ, абыр-сабыр кезде бас директордан орын сұрап бермекші. Оның өзінде директордың босағанын күтуіміз керек екен. Сонда Айқын Төлепберген мен көмекшілерінің журналистер жұмысын елемегені ме?» — деп жазады «Айқын» басылымы.

Дәреже: 0.0/0


Қаралды: 90, Қосылды: 04.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 763
Онлайн отырғандар: 29
Қонақтар: 29
Қолданушылар: 0
0:00 0:00
Saz-Alemi player