Елбасы Нұрсұлтан Назарбаев 8 Наурыз — Әйелдер мерекесі қарсаңында ұйымдастырылатын дәстүрлі «Көктем шуағы» кездесуін ұйымдастырды.
Кездесуге саясат, өнер, медицина, ауыл шаруашылығы, баспасөз және т.б. салаларда еңбек етіп жүрген арулар қатысты. Сонымен қатар көп балалы аналар, қоғамның белсенді мүшелері де шет қалмады.
Биыл өнер саласынан Елбасымен кездесу әнші Тамара Асарға, «Отырар сазы» ұлттық аспаптар оркестрінің дирижері Динара Тлендиеваға, «Астана Опера» солисті Жұпар Ғабдуллинаға, «Астана Балет» театрының режиссері Мукарам Абубахриеваға, актриса Динара Бақтыбаеваға бұйырыпты. Президенттің ана туралы тәмсілінен Тамара Асар көзіне жас алды.

«Жас бала бір бойжеткенге ғашық болыпты. Құдай сондай химияны жібереді ғой, көзіңді соқыр етіп, содан ештеңені де көрмейсің. Жігіт сондай болыпты, қыз да әдемі, жақсы болыпты, бірақ талапшыл екен. Сол кезде ол жігіттің сүйетінін дәлелдеуін талап етіп, анасының жүрегін алып келіп бер деген екен. Сонда ғана сенемін депті. Ол таңғалыпты. Сөйтіп, үйінде мұңды болып отырса, одан анасы не болғанын сұрапты. Баласының күйзеліп отырғанын көрген анасы далада серуендеп келуге ұсыныс жасайды. Анасы «соншалықты осындай қызға қалай ғана қашық болып қалдың екен?» деп сұрайды. Баласы үн қатпайды. Сол кезде анасы жүрегін алып, баласына беріпті. Сол кезде баласы анасының соғып тұрған жүрегін алақанына алып, қызға қарай бет алыпты. Кенет сүрініп, құлапты. Сол кезде анасының жүрегі «Тізеңді жаралап алмадың ба? Ауырмады ма?» деп сұрапты да, сол бетте соқпай қалыпты. Сол кезде ол түсініп, жүректі алып, анасына қайта апарып береді. Анасы тіріліп кетеді. Сонда ғана баласы кімді жоғалтып ала жаздағанын түсініпті. Ол өзін қатты жақсы көретін жүректі жоғалтып алар еді», — деп әңгімеледі Президент.
Айта кетейік, «Ана жүрегі» тәмсілінің желісі бойынша жазылған Бақытжан Мұстапаевтың әні халық арасында кең танымал. 

Дәреже: 0.0/0


Қаралды: 108, Қосылды: 04.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 755
Онлайн отырғандар: 5
Қонақтар: 5
Қолданушылар: 0
0:00 0:00
Saz-Alemi player