Қ. Қуанышбаев атындағы Мемлекеттік академиялық қазақ музыкалық драма театры наурыз айының 11-12-13 күндері, сағат 18.30-да «Аққудың көз жасы...» атты лирикалық драманың премьерасын өткізеді.
Қырғыз халқын күллі әлемге танытқан, адамзаттың Айтматовы атанған Шыңғыс Айтматовтың шығармалары классикалық прозаның үлгісі болып табылады. Бүгінде алып жазушының шығармашылық мұрасына ыстық ықылас азаймақ емес. Соның бір үлгісі ретінде «Шыңғыс Айтматов» атындағы мемлекеттік сыйлықтың иегері, айтулы режиссер, өнер иесі – Талғат Теменов суреткер жазушының қос туындысы негізінде сахналық драма тудырды.

«Аққудың көз жасы...» лирикалық драмасы – адам жүрегіндегі ең асыл сезім – сүйіспеншіліктің құдіреті мен қасиеті туралы тұңғиық сыр шертеді. Алғашқы махаббат пен аңызға айналар шынайы махаббаттың қара түнекті, надандық зұлымдығын жеңетін керемет күшін әспеттейді.


Сонысымен әр адамның жүрегіндегі қимас сәттерін жаңғыртып, өмір патшалығының алтын сарайын назарыңызға айқара ашып тастайды. Көрерменнің эстетикалық талғамына бек лайық бұл сахналау Сізді бей-жай қалдырмасы анық.


Авторы әрі қойылым режиссері – Қазақстанның Халық артисі, профессор Талғат Теменов.
Сондай-ақ, аталмыш қойылымды 24-25 наурызда да сахнадан көре аласыздар. 

Дәреже: 0.0/0


Қаралды: 114, Қосылды: 09.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 695
Онлайн отырғандар: 10
Қонақтар: 10
Қолданушылар: 0
0:00 0:00
Saz-Alemi player