Астаналық көрерменді тәнті еткен «Барокко» залы тағы есігін айқара ашып, 15 наурызда тыңдарманға «Ерекше үндестік» атты жарқын бағдарлама ұсынады. Көктемнің осы бір тамаша кешінде көрерменді керемет дуэттер легі, музыкалық тосынсыйлар мен басқа да көптеген қызықтар күтеді. Дирижерлық тізгінде - Руслан Баймурзин.
Барокко музыкасы Қайта өрлеу дәуірінің соңында, классицизм музыкасының алдында пайда болды. Ол кезде жаңа стильдер дүмпіген еді. Көптеген маңызды музыкалық формалар: концерт, соната, опера осы кезеңнен бастау алады. Олар өз маңыздылығын қазір де жоғалтқан жоқ. Бағдарламада Г.Ф. Гендель, И.С. Бах, Г. К. Вагензель, Я.И. Бенд, Т. Стивенс, Карл Диттерс фон Диттерсдорф, Джованни Боттезинидің шығармалары орындалады. - «Музыкалық қонақжай» циклының концерттері – барокко музыкасын насихаттайтын жақсы дәстүр. Бағдарламада әйгілі шығармалармен бірге, сирек орындалатын қызық туындылар ұсынылады, кейбір опустар алғаш рет орындалады, яғни ұмытылған шығармалар қайта жаңғырады. Көрермен назарына арфа, туба, тромбон, альт сияқты оркестрмен жеке орындауда сирек ойналатын аспаптар ұсынылады. Сондай-ақ концертімізге контрабас пен кларнет, гобойлар дуэті және басқа көптеген дуэттер қатысады. Г.Ф. Гендельдің оркестрмен арфаға арналған концерті бастапқыда орган мен оркестрге арналып жазылған, кейін клавесинге, сосын барып арфаға қайта түсірілді. Меніңше, дәл осы арфа ғана бұл шығарманың бар әсемдігі мен көркемдігін жеткізе алады, - деп атап өтті дирижер Руслан Баймурзин. Кеште сахнаға жарқырап шығатын «Астана Опера» оркестрінің әртістері: Қаламқас Жұмабаева (скрипка), Біржан Өтеулиев (альт), Сәбит Дайыров (контрабас), Нұрлан Двесов (контрабас), Дәмиля Мәхпірова (гобой), Рахметәлі Бекбабаев (гобой), НұртөлегенБазарбаев (кларнет),  Фархат Болатов (альт-тромбон), Александр Малиновский (туба), Любовь Ткаченко (арфа), Гауһар Таспергенова (орган/фортепиано), сонымен қатар оркестр әртістері мен опералық труппа солисті меццо-сопрано Татьяна Вицинская. Концертке «Астана Опера» Камералық оркестрі қатысады. 

Дәреже: 0.0/0


Қаралды: 96, Қосылды: 12.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 832
Онлайн отырғандар: 21
Қонақтар: 21
Қолданушылар: 0
0:00 0:00
Saz-Alemi player