Роза Әлқожаның жолдасы Айдын Қаба тоқал алуға қатысты пікірін білдірді. Айта кетейік, осыған дейін әнші Роза Әлқожа жолдасының тоқал алуына қарсы емес екенін мәлімдеген еді. Жұптың бес баласы бар.
Фейсбук желісіндегі парақшасында Айдын Қаба алдымен халыққа алғысын айтты. "Халқыма бір рахмет айтқым келіп тұрғаны. РАХМЕТ! Менің жеке жəне отбасым үшін, бала-шағам үшін қатты алаңдап, уайымдайтындарыңызды əлеуметтік желілерде білдіргендеріңіз үшін рахмет! "Ел аузында" багдарламасындағы бұрмаланған "тоқал" тақырыбы маған да бəле болды. Журналистерді жамандайын десем бір ұшы өзіме де тиеді. Бірақ қазір рейтинг үшін арзан тақырып өтімді болып тұр ғой. Ол біздің қоғамның айнасы деген сөз. Біреудің қиялының құрбаны болып кете жаздадым", - деп жазды Айдын.

Мұнымен қатар, оның айтуынша кей адамдар тіпті өз мақсатына пайдаланып, мүлдем басқаша бұрмалап таратумен айналысыпты. "Тоқал мəселесі қайдан шықты: Розадан жəй ғана бір журналист сұрай салған ол "қарсы емеспін" деп жауап берген. Тоқалды нəпсісі үшін емес қандай жағдайда алатынын бəріміз білеміз (ұлы жоқ немесе əйелі мүлдем тумаса) Құдайға шүкір, ол жағынан менде бəрі дұрыс. Əлеуметтік желілерде қатты талқыланып, Розаға тиісіп болған жұрт енді маған өтті. Кейбір адамдар қолдап та жатыр. Біреулер тіпті артық кетіпті. Балағат айтып, жеке басқа, ар-намысқа тиетіндері тағы бар. Қатты талқыланғанына қарағанда бұл мəселе мемлекет үшін болмаса да сол жақтағы кісілер үшін қатты керек саясат сияқты" - деп қорықтқан ол тағы бір мәселенің шетін шығарды.
Осылайша, Айдын Қаба тоқал алу ойында жоқ екенін мәлімдеді. "Тоқал алу ойымда да жоқ. Алмаймын. Алғым да келмейді. Мақсатым ол емес. Мен отбасыммен бақыттымын. Аллаға шүкір, ары қарай да осы отбасыммен бақытты ғұмыр кешсем деймін. Мақсатым: Балаларымды жеткізіп, еліне қызмет етуге үйрету. Ұлды ұяға, қызды қияға қондырып əдемі келіншегіммен əдемі қартайғанша елге қызмет ету!", - деді Роза Әлқожаның күйеуі. 

Дәреже: 0.0/0


Қаралды: 124, Қосылды: 14.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 773
Онлайн отырғандар: 14
Қонақтар: 14
Қолданушылар: 0
0:00 0:00
Saz-Alemi player