Қазақстан шоу-бизнесінде ерекше стильді өнерпаздар көп. Әсіресе, жігіттердің сырға тағып өнер көрсетуі халық пікірін екіге жарды. Бәз біреулер қазақ азаматына жат қылық десе, енді бірі сахналық образ деп қорғауға көшкен. Сонымен, қазақ өнер сахнасындағы "сырғалы" жігіттердің тізімін ұсынамыз.Парвиз Назаров суретші мамандығын оқып бітірсе де, музыкалық жолды таңдаған. Душанбе қаласынан Алматыға келіп, 1994 жылы қарындасы Ситорамен бірігіп, дуэт құрады. Дуэтті халық жылы қабылдағанымен, ғұмыры ұзақ болмайды. Десек те, Парвиз жеке әншілігін жалғастырады.

2008 жылы құрылған  "Мистерионс" тобының әншісі Дильен де "сырғалы" жігіттердің қатарында. Илияс, Дильен және Арман үшеуінің бірігіп шығарған  «Не вместе» әні 2009 жылы үздіктер қатарынан табылып, топты халық тани бастайды. Бүгінге күнге дейін топтың барлық әндері хит-парадтарда алдыңғы орындарда.

Жас әнші Әли Окапов та сахнаға шыққан алғашқы кездері сырға таққан. Оның бұл әрекетін Халық әртісі Роза Рымбаеваның баласына жат қылық деп сөгушілер болды. Бірақ қазір Әли сырғасын тастады.

Тележүргізуші, продюсер Максим Акбаров бір кездері биші болған. Бірақ шоу бизнесте өзінің орнын тапқан журналистерінің бірі. Кейін отандық "Сказ о розовом зайце" деп аталатын фильмге түсіп, актерлік қырынан да танылды. Қазіргі кезде Максим Акбаров «Қазахфильм» киностудиясының PR-директоры болып қызмет атқарады.

"Орда" тобының солисті Ерболат Беделханның жетекшілігімен құрылған "Ninety one" тобының жігіттері де сырға тағып, басы дауға қалды. "Айыптама" әнімен сахнаға шыққан бес жігіттен құралған топ жұрттың қарсы пікіріне қарамай, жұмыстарын әрі қарай жалғастырамыз деп отыр.

"101" тобының құрамында болған әнші Иван Бреусов та сырға таққан. Топ тарағаннан кейін Иван жеке әншілікті қолға алмақ болып, ресейлік "Фабрика звезд" жобасына қатысады. Аталған жоба әншіге ТМД елдері арасында танымалдық әкелді.

"Перекресток" телесериалынан көпшілікке таныс Евгений Жуманов құлағындағы әшкейді әлі тастамады. Театр мен киноны қатар алып жүрген актер тележүргізушілік қырын да байқап көрді.  "Кто возьмет миллион",  «Быстро и вкусно с Евгением Жумановым»  бағдарламарын жүргізген.

Ресейлік "Хочу к Меладзе" жобасына қатысқан қазақстандық Анатолий Цой да сырға тағады. Жобаға жеңіп шыққан әнші қазіргі кезде К.Меладзе құрған "M Band" тобының құрамына ән айтып жүр.

Кезінде дүркіреп тұрған "АБК" тобының әншісі болған Ерлан Көкеев те сырға тағушылардың қатарынан. Ол 1994 жылы Азия дауысы» халықаралық конкурсының дипломанты атанған. Ал 1998 жылы Қазақстан Жастар одағы мемлекеттік сыйлығының лауреаты болды. Қазіргі кезде «Ретро шлягер» дискоклубының бас директоры.

2003 жылы алғаш өткізілген "Superstar" тележобасының финалисі Роман Ким. Жобадан кейін альбомдары жарық көрді. Дегенмен, 2005 жылы Роман испандық продюсерлік компаниямен келісім шартқа отырып, сонда жұмыс істеуге кетеді. Қазіргі кезде Марбелья қаласында қызмет атқарып жүр.


Дәреже: 0.0/0


Қаралды: 189, Қосылды: 15.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 774
Онлайн отырғандар: 22
Қонақтар: 21
Қолданушылар: 1
Admin
0:00 0:00
Saz-Alemi player