Биыл "Қазақ аруы-2016" байқауына Солтүстік Қазақстан мен Батыс Қазақстан облысының арулары қатыспайды. Байқау продюсері Баян Есентаева немқұрайлылық танытып отырған осы екі өңірдің бойжеткендерін белсенді болуға шақырды.
"Өткен жылы ақтық сынға 26 ару жолдама алды. Өйткені дарынды, білімді қыздар көп болды. Биылғы жылы 21 қыз бақ сынайды. Оңтүстік Қазақстан облысының арулары өте белсенді, биыл бұл облыстан іріктеу кезеңіне 100-ден астам қыз келді. Астана қаласында да бұл өңірдің бойжеткендері көп болды. Қарағанды облысының да белсенді екенін атап өткім келеді. Мен Солтүстік Қазақстан облысының аруларын белсенді қатысуға шақырамын. Жылда осы мәселе туындайды. Әсіресе, Петропавл қаласының арулары ықылас танытпайды. Өкінішке қарай, менің отаным Орал қаласы да немқұрайлы қарайды. Биыл Батыс Қазақстан облысының намысын қорғауға бірде-бір бойжеткен келмеді. Биыл осы екі облыстан байқауға қатысатын қыздар жоқ. Мен жағдайды пайдаланып, солтүстік пен батыстың аруларын белсенді болуға шақырамын", - деді Баян Есентаева Орталық коммуникациялар қызметінде өткен баспасөз мәслихатында.
Айта кетейік, биыл "Қазақ аруы" байқауы алтыншы рет ұйымдастырылып отыр. Ақтық сын Астанада 16 наурызда өтеді. Ал ел халқы "Қазақ аруын" 22 наурызда "Хабар" арнасынан тамашалай алады.
Естеріңізге сала кетсек, 2015 жылғы «Қазақ аруы» байқауында 21 жастағы қарағандылық Кәмшат Қоскелова жеңіске жетті. 26 ару бақ сынаған байқауда бойжеткен алтын тәжбен бірге автокөлік ұтып алған болатын.
Сұлулық байқауының талаптарына келсек, арулар қазақ тілін жетік меңгерген, сымбаты мен сұлулығы келіскен, білімді, өнерлі, бойы 170 см-ден биік, салмағы 53 келіден төмен, 16-22 жастағы, ұзын шашты болуы керек.

Дәреже: 0.0/0


Қаралды: 71, Қосылды: 15.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 818
Онлайн отырғандар: 2
Қонақтар: 2
Қолданушылар: 0
0:00 0:00
Saz-Alemi player