Назарларыңызға "Хабар" агенттігінің тапсырысы бойынша түсіріліп, көрерменнің көзайымына айналған бес үздік телехикаяны ұсынамыз.
Бесінші орында «Пәленшеевтер» деген атпен танылған комедиялық сериал тұр. Қарапайым отбасылық өмірде болып жатқан түрлі жағдайларды әзілмен әспеттеп жеткізген хикаяның әлеуметтік желідегі көрермені 100 мыңнан асуда.

Төртінші орынға «Бақытыма сенемін» телехикаясы жайғасты. Он төрт сериялық отандық туындыда Халыққа қызмет көрсету орталығы мамандарының қызыққа толы өмірлері баяндалған. Елімізде енді-енді пайда бола бастаған ситком жанрындағы комедияның Ютубтағы көрермен саны 150 мыңға жеткен.

Үшінші орын. 2014 жылы экранға шыққан, бажалардың өміріне негізделген отбасылық "Бажалар" телесериалын көрушілер саны 200 мыңнан асқан.

Екінші орынды махаббат хикаясын баяндайтын «Махаббатым жүрегімде» сериялы жайғасты. Телеарналар арасындағы рейтингте де алдыңғы қатардан орын алған телехикаяны көрушілер саны Ютубта да 300 мыңға жуықтаған.

Бірінші орын. Рейтингтің бас жүлдесі «Тракторшының махаббаты» сериалына бұйырды. Жарнамасы жарыққа шыққаннан бастап бұл телехикаяны көруге асыққандар көп болды. Көрермендердің ыстық ықыласына бөленген телехикаяның кейіпкерлері көпішіліктің аузында жүр. Ютуб видео желісінде де 350 мың көрермен назарына іліккен.


Дәреже: 0.0/0


Қаралды: 129, Қосылды: 17.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 773
Онлайн отырғандар: 10
Қонақтар: 10
Қолданушылар: 0
0:00 0:00
Saz-Alemi player