Алматы қаласының Астана алаңында Наурыз мейрамы тойланып жатыр
Оңтүстік астанадағы мерекелік концертті мегаполис басшысы Бауыржан Байбек бастап берді. "Бұл Шығыстың ең бір көне мейрамы. Тәуелсіздік жылдарында Наурыз Қазақстанның көпұлтты халқын біріктіретін мейрамға айналды. Бүгінде еліміз көптеген мемлекетке тұрақты дамудың үлгісі бола алды. Достығымыз бен бірлігіміз қуаты бола түссін, Тәуелсіз Қазақстанымыз гүлдене берсін. Біздің жасыл әрі шуақты қаламыз Наурыз секілді көктемнің бастауы болып, күн сайын әрлене түссін", - деді Бауыржан Байбек.
Опера әншісі мерекелік асты концерт басталмай тұрып өзге қонақтармен бірге дайындады. Осыдан кейін ол VIP орынға барып отырды, онда ол өзге әртістермен бірге мереке концертті тамашалады. Олардың ішінде ақын Олжас Сүлейменов, актер Асанәлі Әшімов, әнші Нұрғали Нүсіпжанов және тағы да басқалар болды.

"Меніңше, Наурыз біздің ғана мейрам емес. Біз көпұлтты жерде өмір сүреміз және мұнда түрлі ұлттың адамдары бар. Бірақ барлығы бір адамдай осы мейрамды тойлайды. Барлығы әдемі, ал біздің кезде мұндай мүмкіндік болмады. Үйде көже қайнатып беретін, бауырсақ беретін, біз соған да риза болатын едік. Ал қазір бұл керемет мейрамға айналды. Басқа ұлт өкілдері де көже дайындайды деп ойлаймын. Наурызды да, Пасханы да қазақстандықтар бірге тойлаймыз ғой. Бүгін алматылықтарға тұңғыш рет наурыз көже дайындап бердім. Бұған дейін әжелерімізге, шешелерімізге көмектесетінбіз. Ол уақытта мұндай тамақтар болмайтын, біз бидайды бұқтыратынбыз, әркім өз мүмкіндігінше, қалауынша істейтін. Ал бүгін, Құдайға шүкір, барлығы бар, дағдарыс десек те, ондай ешқандай дағдарыс жоқ қазір. Бұл туралы айтудың да қажеті жоқ", - деді халық әртісі.

Дәреже: 0.0/0


Қаралды: 76, Қосылды: 22.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 773
Онлайн отырғандар: 15
Қонақтар: 15
Қолданушылар: 0
0:00 0:00
Saz-Alemi player