Естеріңізде болса осыдан бірнеше ай бұрын, күздің соңғы күндері Нұрлан Албан өзінің өмірден озған анасына арнап бейнебаян түсіргелі жатқанын айтқан едік. Ол бүгінде дайын. Жуық арада көгілдір экранға жол тартады. Оны Нұрлан мырза анасына арнағанымен барша нәзік жандыларға арнаймын деп отыр.
Нұрлан Албан, 20 жыл сахнада: "Бейнебаян жалпы қазақтың кейуанасына, қазақтың ару анасына, қазақтың жалпы тұғыры биік «ана» деген есімді арқалап жүрген барлық біздің қыз келіншектерге арналады, мамаларымызға арналады".
Айтпақшы, биыл Нұрлан мырзаның сахнада жүргеніне 20 жыл толады. Соған орай өзге мемлекеттерді аралап кеш өткізуді де ойластыруда.
"20 жылдығымның құрметіне мамыр айының орта шенінде сол Қытайдағы астанасы Бейжің қаласында бір концерт жоспарланып отыр. Үстіміздегі жылы наурыздың соңында Монғолия жеріне сапарға аттанып бара жатырмын",- дейді әнші.
Моңғолияда Нұрлан мырзаның бірнеше концерті жоспарланыпты. Сондай-ақ, айтулы датаға орай әнші тыңдармандарына тағы бір тосын сый дайындауда.
Нұрлан Албан: "20 жылдықтың құрметіне жаңа күйтабақтың тұсаукесері күтілуде. 
Сіздер оған мамыр айында куә бола аласыздар. Мұнымен өнер иесінің жаңалығы бітпек емес.
"Жылдың соңына дейін тағы да екі бейнебаянды көрерменге тарту етсем ба деген ойым бар. Өйткені, бір ән «Ұлы дала» деген ән. Екіншісі, шығармашылығыма байланысты",- дейді Албан.
Биыл қызу еңбекке көшкен Нұрлан мырза тағы да үлкен тосын сыйымен халықты қуантпақ. Бірақ, оны айтуды жөн санамады. Бәлкім, арық айтып, семіз шығуды көздесе керек. Ендеше, күтейік. 

Дәреже: 0.0/0


Қаралды: 109, Қосылды: 24.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 788
Онлайн отырғандар: 1
Қонақтар: 1
Қолданушылар: 0
0:00 0:00
Saz-Alemi player