Әнші Меруерт Түсіпбаева Ресейдегі қазақ диаспорасының шақыртуымен Иваново қаласына барып қайтты. Онда ол қазақстандық тауарлар сатылатын арнайы орталықтың ашылуына байланысты ұйымдастырылған салтанатты шараға қатысты. Сауда орталығын Иваново қаласының қазақ ұлттық орталығының президенті, ресейлік қазақ Айжан Түзелбекова ашқан. Енді Қазақстанда шығарылатын өнімдер Ресей нарығында да кең таралатын болады. Орталықтың ашылуы Наурыз мейрамына орай келгендіктен, әнші қаланың Наурыз мейрамын тойлау шарасында да ән шырқады. Қалада көптеген түркі тілдес халықтардың басы қосылып, Ұлыстың ұлы күнін атап өтті. Меруерт Түсіпбаева қазақтардың атынан шығып, «Думанды елім» әнін орындады.
Иваново қаласынан кейін Меруерт Түсіпбаева Ярославль қаласына да барды. Иваново қаласынан 100 шақырым жерде орналасқан ежелгі қала мұражай қала деп аталып кеткен. Ярославль қаласындағы қазақ диаспорасы Наурыз мейрамын тойлап, барлық диаспораларды шақырып, «Қыз ұзату» салтын көрсеткен, онда Меруерт Түсіпбаева да қонақ болып барған.
Сонымен қатар, әнші Ярославль театр институтында оқып жатқан жеті шәкіртімен кездесіп қайтты. Бір кездері Ж.Елебеков атындағы эстрада цирк колледжін тәмамдаған жеті студент Меруерт Түсіпбековадан тәлім алған. Түлектер ұстазына «Письма войны» қойылымын қойып, дипломдық жұмысын көрсетті.

Дәреже: 0.0/0


Қаралды: 112, Қосылды: 29.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 788
Онлайн отырғандар: 1
Қонақтар: 1
Қолданушылар: 0
0:00 0:00
Saz-Alemi player