Биыл қазақтың ерке қызы Мақпал Жүнісованың сахнада жүргеніне 35 жыл толады. Осыған орай әнші халық алдында есеп беру кешін өткізбек. Ол Астана қаласында 9-шы сәуір күні өтеді. Оған әнші қызу дайындық үстінде. 
"Алдағы концертке енді жақсы дайындалып жатырмыз, - дейді әнші.- Отырар сазымен программа жасап жатырмыз. Және де эстрадалық әндер, домбырамен әндер барлығы айтылады"
Аталмыш кешті Мақпал ханым тек өзі ғана ұйымдастыруда. 
"Режиссеры да, барлығы да мен өзім. Мен жыл сайын концерт бергенде бүкіл концерттің бағдарламасына дейін, бүкіл жаңағы керек нәрсенің бәрін мен өзім жазамын, программаны өзім құрастырамын. Мен үшін ешкім ештеңе жасамайды, мен өзім жасаймын",- дейді Мақпал ханым.
Сондай-ақ, дәл осындай кеш Алматы қаласында 30-шы сәуірде өтеді. Онда Мақпал ханыммен бір сахнаны бөлісетін әншілер көп емес. 
"Алматыдағы концертімде қонақ ретінде Әлішер Кәрімов қатысады. Екеуміз қос дауыста айтамыз. Жаңадан ән жазып жатырмыз. Оның бәрі концертте айтылады. Сосын Мерейжан да концертте ән айтады. Сосын, Арманай деген жас әнші айтады", - жаңалықтармен бөлісті Мақпал Жүнісова.
Айтулы датаға ұйымдастырылып жатқан үлкен кеште ескі әндерімен қатар, жаңа әндері де шырқалатын болады. Дегенмен, жүрегі кең әнші сақтап жүрген әндерін айтып қоямын деп қорқып жүр. 
"Жаңа әндер өте көп. Мен енді сол әндерімді... Мына Сәкен Қалымовтың өте бір күшті әні шықты, романс. Соны әрең шыдап жүрмін, бір күні айтып қоямын ба деп",- дейді әнші.
Қуанышымен бөлісуге асық әнші осылайша ағынан жарылды. Бәлкім, елдің еркесі болғаннан болар. Ақжарқын жүзді Мақпал ханымның кешінен құр қалмаңыз. 

Дәреже: 0.0/0


Қаралды: 230, Қосылды: 30.03.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 782
Онлайн отырғандар: 28
Қонақтар: 28
Қолданушылар: 0
0:00 0:00
Saz-Alemi player