Бұл күнде киелі сахнада бір үйден бірнеше адам жүрген отбасылар көп. Солардың ішінен танымалдарын тағы бір мәрте атап кетуді жөн көрдік.  
Роза Рымбаева мен Әли Оқапов

Қазақстанның халық әртісі, мемлекеттік сыйлықтың иегері Роза Рымбаеваның сахнада жүргеніне 40 жылдан асты. Роза Қуанышқы мен оның күйеуі марқұм Тасқын Окаповтың екі ұлы бар. Үлкен баласы Әли Окапов қазіргі кезде анасымен бірге сахнада жүр.

Әлидің «Арманға», «Биле», «Кездесу» сияқты әндері бар.

Қанат, Айткүл және Ерболат Құдайбергеновтер

Домбырамен ең алғаш болып қазақ әндерін дуэтпен орындаған кәсіби әншілер отбасылық жұп Қанат пен Айткүлдің балалары да өнерге жақын. Ербол, Айбол, Еркін атты үш ұлы күйші, домбырашы. Ал қызы Салтанат – әнші, биші. Бірақ халық өнерлі отбасының балаларының ішінен Ерболат Құдайбергеновті жақсы таниды. Ерболат қазақ эстрадасындағы жаңашыл бағытта, өзіндік стилімен есімі елге танымал әнші. «Мен қазақпын», «Біздің жігіттер» секілді жаңашыл бағыттағы әндері халық арасында жиі айтылады.


Қанат, Света Айтбаевтар және Димаш Құдайбергенов

Отбасылық жұп Қанат пен Света Айтбаевтарды тындарман қауым жақсы таниды. Әнші отбасы Астана немесе Алматыда емес, Ақтөбе қаласында тұрады. Отағасы Қанат Айтбаев Ақтөбе облыстық филармонияның басшысы болып қызмет атқарады. Былтырғы жылы ұлы Димаш Құдайбергенов Витебскте өткен «Славян базары-2015» музыкалық байқауында бірінші орын алып келді. Димаш оған дейін «Айналайын», «Балдәурен», Астанада өткен «Жас Қанат» секілді республикалық конкурстарға қатысқан еді. Алайда «Славян базарындағы» гран-приі оның танымалдылығын екі есе арттырды.


Марат және Зарина Омаровтар

Әнші-композитор Марат Омаровты халық жақсы таниды. Оның  «Анашым», «Әке арманы», «Қыз сыны», «Сыңарым», «Әнші балапан», «Қоштасқым келмейді», «Арман қала – Астана», Мекке-Мәдине», «Наурыз» секілді әндері ел арасында жақсы танымал. Кейіннен әкесінің жолын қызы Заринада да қуды.
Бірақ соңғы 3-4 жылдың көлемінде Зарина сахнаға шықпай кеткен болатын. Оған себеп отбасын құруы. Қазіргі кезде 2 перзенттің анасы Зарина қайтадан өз кәсібін жалғастыруда. Інісі Азамат Омаровтың «Аяма» деген әнін орындап жүр.



Ұлықпан, Болат, Фариза Жолдасовтар

Әнші-композитор Ұлықпан Жолдасов биылғы жылы Астанада өзін жеке кешін өткізді. Елу жастағы әншінің сондай-ақ екі баласы да өнер жолын қуған. Ұлы Болат Жолдасов музыкант. Болат «МұзАрт» тобының гитарисі ретінде өнерін шыңдап, кейін "Бастау" деген топ та құрған болатын. Ал қызы Фариза Жолдасова бала күнінен әкесімен бірге сахнада жүр. Фариза жақында танымал жас әнші Төреғали Төрәлімен «Қыдырып қайтайық» деген ән жазып, бірге орындап жүр. 


Дәреже: 0.0/0


Қаралды: 119, Қосылды: 08.04.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 684
Онлайн отырғандар: 12
Қонақтар: 12
Қолданушылар: 0
0:00 0:00
Saz-Alemi player