All Davay тобының солисі Шоқан Маратұлы әнші Диана Шараповамен болған мәселеге қатысты түсінік берді.
Бұған дейін Шарапова All Davay тобын 4 миллион теңге шығын өтеп беруге сотқа бергендігі жайлы хабарланған болатын. Топ Шарапованың заңды иелігіндегі "Ты не пришла на новогодний бал" әнін бірнеше рет орындаған.
"Бұл неткен ақымақтық? Мен бұл әнді бала кезімнен білемін. Мен ауылда өстім, халық әндерін гитараға салып талай орындағанбыз. Бала кезімнен білетін әнімді неге қайта орындап шыға алмаймын? Сондықтан Роман Миронов (әншінің жолдасы, - авт.) хабарласып, бұл әнді орындамауымызды талап еткенде абдырап қалдым. Ол бұл әннің құқығы Дианаға тиесілі екенін айтты" - деп жазды Шоқан өзінің Фейсбук парақшасында.
Сонымен қатар, ол әртістердің халық әнін орындауы бұрыннан бар нәрсе екенін жеткізді. "Халық әнін қалайша өз атыңа жазып алуға болады? Біз мұны түсінбедік. Бәлкім, Диана бала кезінен Қазақстанда тұрмағандықтан жастар бұрын көшеде қандай әндер айтқанын, тойларда қандай әндер айтылғанын білмейтін болар. Ол бәрін бейбіт жолмен шеше алмағандығы қызық. Ол адам құсап менімен кездесіп, дұрыстап түсіндірсе, бәлкім, ол әнді жаздыруға қаншама қаржы жұмсасақ та, орындамас па едік. Мен әрқашан әріптестеріме қолдау білдіремін, қалай болғанда да, менталитетіміз бен бір-бірімізді сыйлау керек деген тәрбиемізден біз бір отбасындаймыз. Алайда ол осындай жанкешті қадамға барып, ашық түрде соғыс ашып отырған болса, не істейміз, лайықты түрде жауап береміз. Бәрін сот шешсін", - деді әнші.

Дәреже: 0.0/0


Қаралды: 61, Қосылды: 08.04.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 799
Онлайн отырғандар: 18
Қонақтар: 17
Қолданушылар: 1
Admin
0:00 0:00
Saz-Alemi player