Қазақ ән өнеріне ересен еңбек сіңірген өнер майталманы ҚР Халық әртісі, әнші Қайрат Байбосыновтың орындауындағы 500-ге тарта әндерінің «Сыр сандық» атты антологилық жинағы 5000 данамен басылып шықты.
Бұл еңбектің жинақталуы – қазақ мәдениетіндегі қуанышты жаңалық. 
Аталмыш антологиядағы әндерді нотаға түсіріп жинақтаған – Өнер университетінің оқытушысы, күйші, музыка зерттеуші Қайрат Айтбаев. Бір иниститут атқаратын қыруар жұмыс – Қайрат Айтбаев пен күйші-комозитор Нұрғаным Айбаева (жұбайы) екеуінің төрт жылғы табанды еңбегінің нәтижесі.
«Сыр сандық» антологиясы, кезіндегі Александр Затаевич, Борис Ерзакович секілді «қазақтың» алып азаматтары бастаған өнер көшінің бір тоғанағы іспетті. Қазақ ән-күй өнерін, мәдениетін үлкен парасат биігіне көтерген «Қазақтың 1000 әні», «Қазақтың 500 әні» қатарлы еңбектердің жалғасы деске те болады.
Алайда, бұл жинақтың өзгешелігі – бір адамның орындауындағы әнді және әншінің стилін зерделей отырып, орындаушылық мәнерін, мәдениетін зерттеп жазған тұңғыш кітап. Сонымен қатар, жинаққа ұмыт болуға айналған Құлтуманың 18 әні, Естайдың 18 әні, ақын Тайжанның 13 әні, Айтбай Демікпеұлының (әнші Ғаббас Айтбаевтың әкесі) әндері еңгізілген.
19 сәуір күні (сағат - 19:00) Қазақ Ұлттық өнер университетінің Жамбыл атындағы үлкен концерттік залында ұлттық музыка өнеріне арналған айтулы кітаптың тусаукесері өтеді.Өнер сүйер қауым, қапы қамаңыздар!

Дәреже: 0.0/0


Қаралды: 98, Қосылды: 14.04.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 774
Онлайн отырғандар: 22
Қонақтар: 21
Қолданушылар: 1
Admin
0:00 0:00
Saz-Alemi player