Жұлдызды жұп Бүркіт пен Аиша жылдағы әдеттерінен танбай, шетелде демалып жүр. Олар осы сапарында Израиль мен Солтүстік Африкада болып, енді  Дубайға ат басын тіреді. Дегенмен, әнші алыста жүрсе де, жерді шетелдіктерге жалға беруге қатысты пікірін ортаға салды. Ол инстаграмдағы жеке парақшасында халықты сабыр сақтауға шақырды. "Инста жүйесінде біраз адамдар дау шығарып, сұрақ қойып, наразылығын білдіріп, жерімізге жаны ашыған жандар да бар. Онымен қатар, арасында жеке тұлғаларға тіл тигізіп жатқан "батыл сымақтар да” толып жатыр! Олардың біразы (бәрі емес) арандатушылар екенін байқап жатырмын! Халқым, сабырлық сақтаңыздар! Оймен, санамен өмір сүріп келе жатқан халықпыз. Бейбітшілікте сүріп келе жатқан өмірімізді бұзбақшы болып жүрген арандатушылардың соңынан ерудің қажеті жоқ! Ешқандай шеру жақсылыққа әкеліп соқпайды. Санамен қадам басыңыздар!"-деді.Сондай-ақ, Бүркіт:  "Елім, жерім деп жүректері қазақпын деп соғатын ағаларымыз баршылық екенін анық білемін. Жеріміз ешқайда кетпейді, жеріміз өзіміздікі. Ал тіл тигізуші ұялы телефон батырларына айтарым – Алла сақтап, ондай күн тумасын. Еліміз бен жерімізге жау шапса, атқа мініп, атым болмаса жаяу жауға қарсы шабатындардың алдыңғы қатарында болатыныма күмәндарыңыз болмасын!” – деп қажет болса жері үшін атқа қонатын азаматтың бірі екендігін жеткізді.




Дәреже: 0.0/0


Қаралды: 100, Қосылды: 28.04.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 738
Онлайн отырғандар: 8
Қонақтар: 8
Қолданушылар: 0
0:00 0:00
Saz-Alemi player