Театрдың талантты жастарының ішінде менмұндалап көзге түсетін артистер – Қазақстанның "Серпер” Жастар одағы сыйлығының лауреаты Алмас Шаяхметов пен актриса Ажарлым Бақытжанова.  
Қалың көпшілікке «Шалғайдағы оқиғада» Қуат (реж. Ж.Пошанов),«Өмір сынағында» Бақыт (реж. Қ.Мұстафин), «Аманатта» Иса батыр (реж. С.Нарымбетов), «Қара шаңырақта» Болатбек (реж. К.Мустафин, А.Сахаман) рольдерімен танымал актер театр сахнасында «Арыстандай айбатты, Жолбарыстай қайратты, Қырандай күшті қанатты — Жастарға сенген» Мағжан Жұмабаев («Жүз жылдық махаббат», реж. А.Кәкішева) бейнесімен көрермен қауымның қошаметіне бөленіп жүр. Ал Ұлы даланың жазылмаған заңы – тектілік пен намыстың символына айналған «Таңсұлу», І.Есенберлиннің «Алмас қылыш» тарихи драмасында Әбілқайыр ханның ержүрек, батыр қызы Гүлбаһрам патшайым (реж. А.Кәкішева) рольдерін ойнайтын актриса А.Бақытжанова нағыз қазақ қызының қайсар мінезімен ерекшеленеді.
30 көкек сағ. 17:00-де М.Әуезов атындағы Қазақ мемлекеттік академиялық драма театрының "Сырласу” бұрышында Қазақстанның "Серпер” Жастар одағы сыйлығының лауреаты Алмас Шаяхметов пен актриса Ажарлым Бақытжановамен кездесу өтеді.
Сәуір айының соңғы күнінде ұйымдастырылып отырған "Сырласудағы” сырлы сұхбат пен жылы жүздесу, тағылымды әңгіменің куәгеріне айналғыңыз келсе, қарашаңырақ театрдың есігі Сіздерге әрдайым ашық.

Дәреже: 0.0/0


Қаралды: 103, Қосылды: 30.04.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 826
Онлайн отырғандар: 15
Қонақтар: 15
Қолданушылар: 0
0:00 0:00
Saz-Alemi player