Қ.Қуанышбаев атындағы Мемлекеттік академиялық қазақ музыкалық драма театры мамырдың 17-18 күндері, сағат 19.00-де «САРРА» атты драманың премьерасын өткізеді.
Авторы – ҚР еңбек сіңірген қайраткері, жазушы-драматург Роза МҰҚАНОВА. Режиссері – ҚР еңбек сіңірген қайраткері, Ақтау қалалық Н.Жантөрин атындағы қазақ музыкалық драма театрының көркемдік жетекшісі және режиссері - Гүлсина Мерғалиева. Режиссер Г.Мерғалиева - аталмыш қойылымды сахналау үшін арнайы Қаллеки театрына шақыртылды.
«Сарра» - ұрпақ жалғастығы үшін өзінің атақ-даңқын да, махаббатын да құрбан еткен - ӘЙЕЛ. Ананың миссиясы – еліне ұрпақ қалдыру. Ерінің, ол патша бола ма, дана бола ма, егінші бола ма оған ұрпақ сыйлау мүмкіндігі тек Анаға берілген құзырет. Елін жаудан қорғайтын, елінің ертеңіне қызмет ететін ұрпақ қалдыру анаға – міндет, парыз. Осы қағида жолындағы Сарраның жан азабы мен әйелдік қызғаныш өртіне түскен жан дертін ашуға жан дүниесін, суреткерлік шеберлігін арнаған драматург Роза Мұқанованың туындысы, талантты да тапқыр режиссер Гүлсина Мерғалиеваның қолтаңбасымен үйлесіп сахна атты киелі әлемге жол тартпақ.
Біз аз халықпыз, бізге өсу керек. Бабалардан қалған кең байтақ жерге ешкім көз алартпау керек. Өз жерімізге өз ұрпағымыз ие болуы керек. «Қаллеки» театрының кезекті прьемерасы талғампаз көрерменге «Сарра» арқылы, осы бір күрделі де нәзік ойды саналы түрде ұсынбақ.
Спектакльдің бас кейіпкері «Сарраны» – ҚР еңбек сіңірген қайраткері Л.Бекназар-Ханинга, М.Омар, С.Тоқманғалиева үш актриса сомдаса, Ажар бейнесін де үш бірдей актриса - А.Бермұхамбетова, Г.Жүсіпова, А.Серкебаевалар сомдайды. 

Дәреже: 0.0/0


Қаралды: 60, Қосылды: 11.05.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 720
Онлайн отырғандар: 18
Қонақтар: 18
Қолданушылар: 0
0:00 0:00
Saz-Alemi player