Блогер әрі журналист Берік Сұлтан отандық өнер жұлдыздарының бейнебаян сапасына алаңдаулы. Сапаны жақсарту үшін ол ұлттық көркемдік кеңес құру қажет деп санайды. Бұл туралы ойын журналист әлеуметтік желідегі парақшасында жазды.
«Бізге әншілердің бейнебаянын тексеретін «Ұлттық көркемдік кеңес» керек. Олар сараламаған бейнебаян телеарнадан көрсетіліп, әлеуметтік желіге жүктелмеу керек. Ол көркемдік кеңесте бейнебаян сапасына, мағынасына және ең бастысы ұлттық талаптарға сай екенін тексеретін маман болуы шарт. Сапасы мен мағынасын тексеру түсінікті шығар», - деген журналист ұлттық талапқа сай бейнебаяндардың қандай болуы шарт екенін де кесіп айтты.
«Ұлттық талапқа сай бейнебаянда біреудің әйеліне ғашық болу, сол қатынға арнап өлең айту, бала күнгі ғашығын балалы-шағалы болғанда көріп қалып, махаббаты қайта оянып кету, аймаласу, сүйісу, төсі мен кіндігі көрінетін көйлек, санды жалтыратқан белдемше, тырысқан шалбар болмауы керек. Егер осылардың біреуі бейнебаяннан байқалса, оны ұлт болашағына бей-жай қарамайтын «Ұлттық көркемдік кеңес» жарамсыз етіп, қатаң ескерту беру қажет», - деді Берік Сұлтан.
Сонымен қатар автор ұрпақ тәрбиесін жақсартудың ең негізгі тетіктерінің бірі бейнебаяндарды сүзгіден өткізу екенін қадап айтады.
«Қазір балаларды телеарна тәрбиелеп отырғанын жақсы білесіздер. Сол телеарна олардың киім кию үлгісін таңдап, ненің сән ненің ескілік екенін айқындап беріп отыр. Бұл өкінішті және өте қауіпті. Ертең қызыңыз бейнебаяннан көріп қасыңызда қысқа шортимен жүрмеуіне, төстартқышының түсі көрінетін көйлек кимеуіне, кіндігіне сырға тағып, шашын көк-қызыл қылып боямауына кім кепіл?! Ешкім жамандықтан сақтандырылмаған. Көшеде туып, қоқысқа баласын тастаған қыздың да ата-анасы қызын жаман болады деп ойлаған жоқ. Ол көргенін істеді. Сөйтіп, нәтижесінде зинадан бала туылды. Ұрпақ тәрбиесін жақсартудың ең негізгі тетіктерінің бірі бейнебаяндарды сүзгіден өткізу!», - деп ойын түйіндеді Берік Сұлтан.

Дәреже: 0.0/0


Қаралды: 96, Қосылды: 20.05.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 726
Онлайн отырғандар: 29
Қонақтар: 29
Қолданушылар: 0
0:00 0:00
Saz-Alemi player