Тараздық өнер сүйер қауым тақырға отыра жаздады. Бір жетіден бері ресейлік әнші Стас Михайлов шаһардың орталық стадионында концерт өткізеді деген хабарлама ілініп, тіпті билеттер де сатылып жатқан. Алайда әншінің директоры бұл деректі жоққа шығаруда.
Сергей Кононов, С.Михайловтың директоры:
-Концерт болмайды. Жоспарлаған да емеспіз. Ұйымдастырып жатқандар бізбен келісім-шарт жасасқан жоқ. Демек олар алаяқтар, оңай жолмен елдің қалтасын қаққысы келген. Сондықтан құзырлы орындарға хабарласуға кеңес беремін.
Қаладағы ең ірі екі сауда орынында шілденің 24 күні орталық стадионда концерт өтетіндігі жайлы жарнама парақшалары ілінген. Билет құны 3 мың мен 35 мың теңге арағынында. Қызығы стадион басшылығы да бұдан бейхабар. Ал, телефон арқылы өзін Болат деп таныстырған ұйымдастырушы әншінің өкілімен Алматыдағы фирма келіссөз жүргізген деп ақталуда. Өзі бұл даудың шығуына көрермендерді кінәләп, өзіне шаң жуытар емес. Яғни, жоспарланған 8 мың билеттің небәрі 23-і ғана сатылыпты. Енді соның кесірінен концерттен бас тартуға мәжбүрмін деп жергілікті тұрғындарға ренжулі. Қазір билет сатылған орындар жабылды. Ал, Михайловтың 23 табынушысы ақшаларын қайтарып алуларына болады.
Болат, концертті ұйымдастырушы:
-Менің тараздықтардан көңілім қалды. Енді кемі 10-15 жыл бұл қалаға танымал әншілерді шақырмаймын. 23 билет өтті деген масқара ғой. Ал, мені алаяқтық жасады дегені бекер.

Дәреже: 0.0/0


Қаралды: 92, Қосылды: 08.06.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 745
Онлайн отырғандар: 26
Қонақтар: 26
Қолданушылар: 0
0:00 0:00
Saz-Alemi player