Жұлдызды жұптан жаңа туынды.
Желтоқсан айының ортасында өздерінің кезекті туындысын жарыққа шығарған Жанболат пен Жазира араға алты ай салып жаңа бейнебаян түсірді. Оған «Жан жарым» әні таңдалды. Көңілдерінен шыққан әнді дуэт ғаламтор арқылы тыңдап, ұнатып қалыпты.

Жанболат Ербатыров, Жазираның күйеуі: "Жанар деген қарындасымыз, Гүлзина деген қарындасымыз сол бізге почта арқылы, интернет арқылы ұсынды. Біз тыңдап көңілімізден шыққандықтан кейін ол қыздарға ән ұнады, біз орындаймыз деп айттық".

Түсіріліп жатқан бейнебаянды Gakku Entertainment таспалауда. Онда айтарлықтай сюжет болмайды. Дегенмен, оның берер ойы бар.

"Қазір енді заманда ұрыс-керіс жаңағы ажырасу көп. Сол сияқты тәрбие беретін ән. Осындай біздің халқымызда ешқандай жаңағы татулық болсын, ажырасу болмасын деген мағынаны білдіреді",- дейді Жанболат.

Осылайша, әнімен дуэт бүгінгі таңдағы басты мәселелерді қозғады. Бейнебаян жуырда жарыққа шығады дейді әншінің өзі. Ал, ел назарына ұсынып болған соң жазғы демалысқа аттанбақ.

Жанболат: "Шығармашылықта енді қазіргі жазғы демалыс дейміз... Сол жазғы демалыста бала-шағамызбен Көлсайға барамыз деп отырмыз, өзіміздің табиғаты тамаша, керемет. Сол Көлсайға барып, жақсы-жақсы Қазақстанның демалыс орындары бар. Сол жерлерді аралап келсек деп отырмыз".
Иә, осылайша жарасымды жұп еліміздегі туризмді қолдайтынын көрсетті. Ендеше, еліміздің сұлу жерлеріне сіз де аттаныңыз. Демалып жатып жуырда жарық көретін туындыны тамашалауды ұмытпаңыз.

Дәреже: 0.0/0


Қаралды: 92, Қосылды: 14.06.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 687
Онлайн отырғандар: 15
Қонақтар: 14
Қолданушылар: 1
Admin
0:00 0:00
Saz-Alemi player