Екі сағаттық концерт ҚР Тұңғыш Президенті атындағы саябақта өтті. Сахнаға шыққан "Музарт" тобының әншілері Ақтөбе тұрғындарына қолдау білдіріп, көңіл айтты.
- Ақтөбеде болған оқиғаларға бей-жай қарап отыру мүмкін емес. Біз сіздерге қолдау танытып, жұбату үшін келдік. Қазақстандықтарды бейбітшілікті бағалауға шақырамыз, әрдайым аспанымыз ашық болсын. Татулық пен мейірімнің дінін қаралап, қоғамға залалын келтіріп жатқандардың әрекетін ақтап алу мүмкін емес. Барлығымыз бірлесіп, осы зұлымдықпен күресуіміз қажет, - деді Сәкен Майғазиев.Ұжым мүшелері атынан әнші Ақтөбе облысының әкімі Бердібек Сапарбаевқа шараны ұйымдастыруға ықпал еткені үшін алғысын білдірді.
Өз кезегінде, облыс басшысы музыканттарға қолдау танытқандары және азаматтық ұстанымын білдіргендері үшін алғысын жеткізді.
- Осындай игі бастама көтергендеріңізге ақтөбеліктердің атынан рахметімді айтамын, өз жоспарларыңызды өзгертіп, отандастарымызға қолдау білдіріп отырсыздар. Бүгін сіздер өздеріңіздің халыққа жақын нағыз өнер адамдары екендеріңізді дәлелдедіңіздер, - деді облыс әкімі.
Әйгілі қазақстандық өнер ұжымының концерті екі сағатқа созылды. Осы уақыт аралығында жиырмадан астам ән шырқалды. Тыңдармандар да қосылып ән салды. Саябақ алаңына бес мыңнан астам адам жиналды.
Айта кетейік, "Музарт" тобының әншілері лаңкестік әрекеттерден кейін Ақтөбе тұрғындарына моральдық қолдау танытып, ауқымды шара ұйымдастырып отырған алғашқы өнер ұжымы.

Дәреже: 0.0/0


Қаралды: 83, Қосылды: 20.06.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 832
Онлайн отырғандар: 20
Қонақтар: 20
Қолданушылар: 0
0:00 0:00
Saz-Alemi player