Елорданың «Қазақстан» Орталық концерт залында Мейрамбек Беспаев, Сәкен Майғазиев пен Кенжебек Жанәбілов сынды солистер мен бiрнеше музыканттан тұратын «МузАРТ» вокалды - аспапты ансамблiнiң 15 жылдығына арналған қос концерт өттi
Елімізде кеңінен танылған трио мерекелiк кешке жиналған тыңдармандарына ел арасында кең тараған әндерiн орындап, көпшiлiк қошеметiне бөлендi. «Үш қоңыр», «Сүйкiмдiм», «Шаттанамын», «Тамшылар» деген әндермен шымылдығы түрiлген концерт 15 жыл бойы топ репертуарында жинақталған хит әндермен жалғасын тапты. Шығармашылық топ өздерінің үздік әндерін дирижерлер Александр Беляков, Александр Абылаевпен, композитор әрі продюсер Ринат Ғайсинмен және «Астана» эстрадалық-симфониялық оркестрімен бірге орындады.Әртістердің айтуынша, Астанада үлкен концерт өткізу олардың көптен бергі арманы болған. Әншiлердi тыңдармандар да сағынып қалғандай, концерт залында бос орын болмады. Тыңдармандар жанды дауыспен айтылған әнге қошемет көрсетiп, сахнада әннiң мағынасына қарай сан құбылған бейнеэффектiлерге де таңданысын жасырмады.Концерт барысында топ мүшесi Сәкен Майғазиев елiмiзде сәбилердiң есiмiн Музарт деп қойғандар бар, осындай азаматтарды сынға алмай, керiсiнше бұл бастаманы қолдау керек дедi.«МузАРТ» – көне түркі тілінен шыққан. «УЗ» – сал, сері, тағы сол сияқты ер азаматқа тән қасиеттерді, ал «АРТ» - биік, шың, тау деген мағынаны білдіреді. Бiз бастапқыда топты УзАРТ деп атамақшы болдық. Одан кейiн «М» әрпiн қосып, музыка сөзiне келтiрдiк. Мейрамбек, Мақсат пен Майғазиев те «М» әрпiнен басталады. Сондықтан, сәбидiң есiмiн Музарт қойғанда тұрған ештеңе жоқ, керiсiнше, ол тек жақсы мағынаны бiлдiредi», - дедi С.Майғазиев.Айта кетейік, МузАРТ тобы 2001 жылдың сәуір айында құрамында Сәкен Майғазиев, Мейрамбек Бесбаев және Мақсат Базарбаев өнер көрсететін трио ретінде құрылған. Топтың алғашқы орындаған әні – Мұқағали Мақатаевтың сөзіне жазылған Қанат Ибраимовтың «Сенің көзің» атты шығармасы. 2005 жылы топ мүшелерінің бірі Мақсат Базарбаев жеке әншілік жолына түсіп, орнына топтың жаңа мүшесі ретінде Кенжебек Жанәбілов келеді. 2007 жылы «МузАРТ» құрамы кеңейтіліп, топ вокалды – аспапты ансамбль ретінде өз жұмысын бастады. Ансамбльдiң «Өз елім», «Шынарым», «Шашбаулым», «Қазақтай ел қайда», «Сағындым Алматымды», «Үшқоңыр», «Анаға сәлем», «Қайран көңіл» атты әндері халық арасында кең тараған.





















Дәреже: 5.0/1


Қаралды: 125, Қосылды: 09.07.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 846
Онлайн отырғандар: 9
Қонақтар: 9
Қолданушылар: 0
0:00 0:00
Saz-Alemi player