Қазақстандық фильмдер халықаралық телепрокатқа шықты. «1 арнаның» (Ресей) «Время», «Дом кино» телеарналары Қазақстанның Мәдениет және спорт министрлігінің тапсырысы бойынша түсірілген «Жұлдыздар тоғысқанда» көркем фильмі мен «Мәңгілік аспан астында» көпсериялы ғылыми-танымдық фильмін прокатқа шығарды. Бұл туралы Мәдениет және спорт министрлігінің баспасөз қызметі хабарлады.
«Мәңгілік аспан астында» фильмі 2015 жылы Қазақ хандығының 550 жылдығы шеңберінде түсірілген болатын. Сценарийдің негізі ретінде Нұрсұлтан Назарбаевтың «Тарих толқынында» кітабы алынған. Фильм Қазақ хандығының құрылуына арналған. Әрқайсысы 26 минутқа созылған 10 бөлімнен тұрады. Бөлімдердің әрқайсысы қазақ халқы тарихының белгілі бір кезеңі туралы баяндайды. Сериалдың әр фильмі дербес туынды бола тұра, көшпелі халықтардың дүниетанымы, олардың «мәдениеттер байланысы» ретіндегі ұлы мақсаты және әлемдік өркениеттер, көне кезеңнен бастап бүгінге дейінгі олардың жаңалықтары және бүкіл өркениетті әлемнің жетістігіне айналған табыстары туралы негізгі идеяны насихаттайды.«Мәңгілік аспан астында» көпсериялы ғылыми-танымдық фильмі «Білім әлемі» (The World of Knowledge) Х Ғылыми-көпшілік және ағартушылық фильмдер халықаралық кинофестивалінде 2015 жылы үздік сценарий номинациясын алған болатын. Сценарий авторы және картина режиссері - Бақыт Қайырбеков.
2015 жылдың тамыз айында деректі фильмнің екі бөлімі былтыр АҚШ-та Джордж Университеті (Вашингтон) және актер, продюсер және режисер Роберт де Нироның TribecaFilm киностудиясында (Нью-Йорк) алғаш рет көрсетілген еді.
Сондай-ақ, 6 шілде - Астана күнінде «Дом кино» арнасында «Жұлдыздар тоғысқанда» көркем фильмінің көрсетілімі өткен болатын. Елбасы Нұрсұлтан Назарбаевтың өмір жолына арналған тарихи-биографиялық драмада танымал қазақстандық және шетелдік актерлер Берік Айтжанов, Алдабек Шалбаев, Алтынай Нөгербек, Игорь Угольников, Сергей Гармаш, Дарья Мороз, Алексей Гуськов, Стивен Пейси ойнайды. Режиссері - Сергей Снежкин.
«Жұлдыздар тоғысқанда» көркем фильмі 9-10 шілде күндері сағат 20:00-де «Время» арнасынан көрсетіледі.

Дәреже: 0.0/0


Қаралды: 72, Қосылды: 10.07.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 841
Онлайн отырғандар: 20
Қонақтар: 19
Қолданушылар: 1
Admin
0:00 0:00
Saz-Alemi player