«Биле, Қазақстан» жобасы әлем халқын мойындатқан, көптеген елдерде өз көрермендерін жинап, таңқалдыра білген музыкалық жоба.
«Хабар» арнасы талғамы жоғары көрермен үшін тағы бір тың дүние әзірлеп жатыр. Күзгі маусымда көпшілік назарына «Биле, Қазақстан!» деп аталатын жаңа бағдарлама ұсынылады. Халықаралық жоба шетелдік би жарысының Орта Азия аумағындағы алғашқы нұсқасы болмақ. Әйгілі «Эндемол» компаниясы би байқауын Қазақстанда ұйымдастыруға келісімін берді. Бұл – «Хабар» агенттігінің бірнеше жыл бойғы жүргізген келіссөздің нәтижесі. Бағдарлама Қытай, Австралия, Ұлыбритания сынды әлемнің 37 елінде көрсетіліп, ең жоғарғы рейтингтерге ие болған. Ал елімізде өтетін би жарысына 10 жастан асқан кез келген азамат қатыса алады. Басты талап – жеңіске деген ұмтылыс пен өнерге құштарлық», – дейді ұйымдастырушылар.
«Биле, Қазақстан!» жобасына қатысушыларға әйгілі бишілер баға береді. Қазылар алқасының құрамына шетелден арнайы маман шақыртылған. Байқауға алыс және жақын мемлекеттерден өнер иелері де қатыса алады.
Жоба мақсаты – еліміздің барлық тұрғындарын би билеп, салауатты өмір салтын ұстануға шақыру. Әлеуметтік жоба – би билеу арқылы қазақстандықтарды бірлікке, достыққа шақырады.
Шоудың түпнұсқасы бірінші рет 2005 жылы АҚШ-та «So You Think You Can Dance» деген атаумен көрсетілген. Жоба 10-нан астам «Эмми» жүлдесін алған. Қазақстан бойынша бұл байқауға іріктеу кезеңдері Астанада шілденің 23-і мен 24-і аралығында, ал Алматыда 30-шы және 31-ші шілдеде өтеді. Естеріңізге салайық, «Биле, Қазақстан!» шоуы арнаның эфирінен күзгі телевизиялық маусымның басында көрсетілетін болады. Жоба туралы толығырақ ақпарат www.bile.khabar.kz сайтында. Біздің хэштэг #Bilekz Қосымша ақпаратты bile.khabar@gmail.com, 8 707 802 02 17 телефоны арқылы ала аласыз.
Байқаудың іріктеуі Қазақстанның үш қаласында өтеді: Астанада - 23 және 24 шілде, Алматы - 30 және 31 шілде, сондай-ақ 6 және 7 тамыз көрермендер дауыс беру арқылы таңдаған үшінші қалада. Іріктеу айналымдарынан кейін 60 қатысушы арнайы жабдықталған үйге шақырылатын болады, онда танымал хореографтардың басшылығымен өнер көрсетуге жаттыға бастайды. Кезеңнің қорытындысы бойынша 20 байқауға қатысушы (10 жігіт және 10 қыз) келесі айналымға өте алады. Үшінші кезеңде жиырма байқауға қатысушы жұп-жұпқа бөлініп, әр апта сайын көрермендер мен қазыларға түрлі жанрдағы би нөмірлерін (балет, контемпорари, хип-хоп, брейк-данс, джаз, бал билері және басқалары) көрсететін болады. Қазыларды таң қалдыра алмаған қатысушылар жобадан кетеді. Финалдық шығарылымдарда бишілер жеке-жеке 1-орынға күресетін болады.
«Биле, Қазақстан!» шоуы арнаның эфирінен күзгі телевизиялық маусымның басында көрсетілетін болады.

Дәреже: 0.0/0


Қаралды: 45, Қосылды: 14.07.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 689
Онлайн отырғандар: 21
Қонақтар: 21
Қолданушылар: 0
0:00 0:00
Saz-Alemi player