Қазақстан Республикасы Ұлттық музейінде «Ұлттық музейге сый тарту» акциясы аясында мемлекет және қоғам қайраткері, тарихшы, саясат ғылымдарының докторыТайыр Мансұров өзінің жеке топтамасындағы «Бүркітші» атты құнды туындыны сыйға тартты.
Шараның салтанатты ашылуында сөз алған Қазақстан Республикасының Мәдениет және спорт министріАрыстанбек Мұхамедиұлы бірегей жәдігерді ұсынып отырған Тайыр Мансұров туралы айта келе, оның белсенділігіне алғыс білдірді.
Тайыр Мансұров мемлекеттік қызметтің қай саласында жүрсе де өз ісін өте жақсы білетін адам. Сонымен қатар тарихи-мәдени мұрамыздың жанашыры ретінде де көпке таныс. Ал, бұл гравюраның құндылығы өте жоғары әрі оның Ұлттық музейге сыйға тартылуы қуантарлық жайт. Осындай жәдігерді табыстап жатқан Тайыр ағамызға үлкен алғыс білдіреміз», - деді А.Мұхамедиұлы.
Мемлекет және қоғам қайраткері Тайыр Мансұров аталмыш акцияның маңыздылығына тоқталып өтіп, Ұлттық музейдің алдағы жұмыстарына сәттілік тіледі.
«Ұлттық музейге сый тарту» акциясы Ұлттық музейдің бірегей жобасы деп білемін. Естіп-көріп тырғанымыздай бір жыл ішінде 2 мыңнан астам жәдігер жинақталыпты. Сол акцияға қосқан үлесіміз болсын деп осынау картинаны сыйға беріп отырмын. «Бүркітші» деп аталатын бұл туындының тарихы тым әріде жатыр. Музейдің ерекше, құнды дүниелерінің қатарына кіреді деп сенемін әрі Ұлттық музейдің алдағы жұмыстарына жеміс тілеймін, - деді Т.Мансұров.
Картинада Александр II-ні ұлықтау рәсіміне (1855 жыл) арнайы шақырылған аңшы қазақтың бүркітін түлкіге салып жатқан сәті бейнеленген. Ал оның артында саятшылықты қызықтап тұрған император Александр IIбейнеленген.
Айта кетейік, Ұлттық тарихи-мәдени мұраны сақтап қалу мәселесіне қоғам назарын аударту мақсатында ең алғашқы акция2015 жылы Астана қаласынан бастау алған болатын. Оған белгілі азаматтар мен коллекционерлер, танымал тұлғалардың жоқтаушылары өз үлестерін қосты. Игілікті шара кейін Алматы, Қызылорда, Ақтөбе, Шымкент қалаларында жалғасын таптқан болатын.








Дәреже: 0.0/0


Қаралды: 37, Қосылды: 16.07.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 799
Онлайн отырғандар: 20
Қонақтар: 19
Қолданушылар: 1
Admin
0:00 0:00
Saz-Alemi player