Қазақ қызына тән биязылығымен және нәзік үнімен қазақтың өнер сүйер қауымын баурап алған дәстүрлі әрі эстрадалық ән орындаушысы Жанар Айжанова сынға ілікті. Шоу-бизнесте ғана емес, әлеуметтік желіде де белсенді жұлдыз жақын арада қызымен Болгарияға демалысқа аттанды. Сол жақтан жариялаған фотоларында әншінің шоп-шолақ шалбар киген суреттері қазақ сыншыларына ұнамай қалған тәрізді, деп хабарлайды Baq.kz тілшісі.
Танымал блогер әрі журналист Өмірзақ Ақжігіт әлеуметтік желідегі жеке парақшасында«Шорты жайлы «шорт» сөз» жазып, үлкендер алдында ұятты жерін ашып, қып-қысқа шортымен жүрген жас қызды сынайды.
«...Батыстағы бір облыс орталығында қонақта отырмыз. 60-тағы мен, 74-тегі алматылық елге белгілі ағам, 80-нен асқан тағы бір ақсақал бар. Отағасы 50-дің жуан ортасындағы жігітағасы. Оның жақында ғана студент атанған бір қызы да қызмет етіп жүрді. Қызмет еткені құрысын... Қыздың бұтындағы шортигі тізеден жоғары болса мейлі еді, қарасанның бітер жерінен, тура май құйрықтың түбінен! Үстелді айналып олай өтеді, бұлай өтеді. Менен үлкен екі кісі ескерту жасамаған соң, мен де үндей алмадым. «Санымызды жарқыратып балықтай» демекші, аталарының алдындағы мына жүрісінің ерсілігі қыздың ойына кіріп-шықпайтыны көрініп тұр. Әке мен шешенің берген тәрбиесінің түрі сол ғой. Сірә, мәдениет деген осы деп ұғатын сияқты...», - дп жазады журналист.
«Шорт сөзде» таяқтың шеті танымал эстрада жұлдызы Жанар Айжановаға да тиіп кетті. Қызымен Болгарияға демалысқа кеткен әнші шолақ шалбармен экскурсиялатқан суреттерін әлеуметтік желіге жарыса жариялап еді.



Сірә, жасы елуден асқан келіншектің шорты кигені еразаматтарға ұнамай қалған сияқты.
«17 жасар қыз сөйтіп жүргенде әбден «болары болып, бояуы сіңген» Жанарға бір нәрсе деуге бола ма? Гүлжан Ерғалиева секілді тыржалаңаш суретін салып жібермесін деңіз бір күні...», - деп қорытты «шорт сөзін» Өмірзақ Ақжігіт.

Дәреже: 0.0/0


Қаралды: 67, Қосылды: 18.07.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 832
Онлайн отырғандар: 21
Қонақтар: 21
Қолданушылар: 0
0:00 0:00
Saz-Alemi player