«Славян базары-2016» халықаралық байқауы аясында өткен «Витебск-2016» эстрада әндерінің орындаушылары конкурсынан алған 15 мың доллар көлеміндегі ақшалай жүлдемді тойыма жұмсаймын. Той Астана қаласында өтеді. Бұл туралы ОҚК-де өткен брифингте қазақстандық әнші Adam айтты
«25 қыркүйекте Астана қаласында үйлену тойымды жоспарлап отырмын. Болашақ жарымның есімі Дана Күзембаева. Алдағы уақытта Оразбекова болады. Алла сәтін салса. Байқауда 15 мың доллар көлемінде ақшалай жүлдеге ие болдым. Осы қаржының барлығын тойыма жұмсаймын. Себебі, той өткізу – өте қымбат. Витевск қаласынан көптеген қонақтар шақырдым. Әрі Италия, Мексидан қонақтары болуы мүмкін. Барлығын уақыт көрсетеді», - деді әнші.
Айта кетейік, «Славян базары-2016» халықаралық байқауы аясында өткен «Витебск-2016» эстрада әндерінің орындаушылары конкурсында қазақстандық әнші Адам екінші орынғаие болды.
Байқаудың гран-приіне белорустық Алексей Гросс қол жеткізді. Оған сондай-ақ Белоруссия және Ресей одағы парламенттік жиналысының арнайы сыйы берілді.
Байқауда Adam Николай Носковтың «Исповедь» әнін, ал әлемдік хиттерден Sam Smith - I'm Not The Only One әнін орындады. Әрі өз елінің әндерінен ол Батырхан Шүкеновтің «Отан Ана» әнін шебер орындап, көпшілік қауымның ықыласына бөлінді. Халықаралық конкурс Белоруссияның Витевс қаласында 14-18 шілде аралығында өтті.
Естеріңізге сала кетейік, 2015 жылы еліміздің атынан «Славян базары» байқауына Димаш Құдайбергенов қатысқан еді. Ол байқауды жеңіп, Қазақстанға гран-примен оралған еді. Сонымен қатар, осы жылы қазақстандық Луиза Нұрқуатова балалардың «Славян базары» байқауында жеңімпаз атанды.

Дәреже: 0.0/0


Қаралды: 51, Қосылды: 21.07.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 695
Онлайн отырғандар: 9
Қонақтар: 9
Қолданушылар: 0
0:00 0:00
Saz-Alemi player