Дүйсеновтың кинопродюсерлік қадамы.
Арман Дүйсенов, сал сері: "Кино деген – ол қаншалықты қиын болса, соншалықты қызық. Адамды ерекше бір қызықтыратын әлем екен, тылсым бір дүние екен".
Жуырда ғана «Оралман из Питера» атты фильмін түсірген Арман Дүйсенов алдымен алған әсерімен бөлісті. Себебі, бұл Арман мырзаның жаңа бастамасы. Бұған дейін композитор, әнші, тележүргізуші сынды түрлі қырларын байқағанбыз. Бірақ, кинопродюсерлік оның алғашқы қадамы. Ал, түсірген фильмінің жанры қандай десеңіз ол мынадай.

"Жанры комедия. Жастарға арналған комедия. Музыкалық комедия. Ән өте көп. Шоу бизнес өкілдері жоқ емес. Жоқ емес дегенім енді кішкене артық айтқан болар едім. Құдайға шүкір, менің шоу бизнестегі әріптестерімнің барлығы да қолдау көрсетіп, барлығы келіп, қатысып түсіп кетті",- дейді Арман мырза.
Ал, басты рөлдер Дәурен Айдарқұлов, Асан Мәжит, Қуандық Шәкіржанов,Динара Бақтыбаева, Дина Тасболатоваларға бұйырыпты. Түрлі өнер иелерінің басын біріктірген фильмнің негізгі сюжетіне тоқтала кетсек.
Арман Дүйсенов: "7-8 жыл бойы Питербург қаласында орналасқан Арнольд Шёнберг атындағы музыкалық мектепте машықтанған скрипач бала ауылға келеді. Ауылға оралып келеді және өмірін ауылда жалғастырады".
Бірақ, қызықтың бәрі қала келген кезде басталады. Оны әрине фильмнен көре аласыздар. Ол орыс тілінде жарық көреді. Дегенмен, Арман мырзаның айтуынша қазақ тілді көрермендердің де көңілінен шығады.
"Бұл енді негізінде мынау орыс тілді де, қазақ тілді де аудиторияның кәдімгідей ықыласына бөленетін ерекше бір тылсым дүние болайын деп тұрған сияқты жеке басым үшін",- Арман Дүйсенов.
Ендеше, асыға күтеміз.

Дәреже: 0.0/0


Қаралды: 73, Қосылды: 25.07.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 820
Онлайн отырғандар: 13
Қонақтар: 13
Қолданушылар: 0
0:00 0:00
Saz-Alemi player