Қазақ эстрадасына қоңыр домбырасын құшақтап келген танымал әншілердің бірі - Заттыбек Көпбосынұлы. Жақында Заттыбек 400-ге тарта балаға дастархан жайып, тегін концерт қойып берді.
Бұл туралы әнші өзінің инстаграмдағы парақшасында жазды. Ол өз парақшасында балаларға қуаныш сыйлау ең бір сауапты іс екенін айта келіп, бүлдіршіндердің көңіл күйлерін жеткізді. тіпті, кейбіреулерінің "аға кетпеңізші!" деп жібермей өтінгені көңіл толқытқанын жазады.
"Машатта демалып жатқан 400-ге жуық балалардың көңілін көтеріп, кеше Шымкенттегі інілеріммен бірге дастархан жайып, концерт беріп қайттық. Жүзіміз күліп тұрса да жүрегіміз жылап тұрды. Тәп-тәтті балапандарын тастап кеткен адамдар қалай жер басып жүр екен?! Балапандардың қолымды ұстап, жібермей «Аға, кетпеңізші. Бізбен бірге болыңызшы, тағы да ән айтайықшы, енді қашан келесіз» - дегені көзге еріксіз жас келтірді. Енді жиі барып, әңгімелесіп, сырласып тұратын орта таптым. Ол балалар үйі. Балапандар ауырмасын, өссін, өнсін! Осы елдің ең беделді де мәртебелі тұлғасына айналсын!" - дейді әнші.
Естеріңізде болса Заттыбек Көпбосынұлы бұған дейін өзінің сауда жасайтын дүкенін намазхана жасап, қарт адамдарға тарту еткен болатын.

Дәреже: 0.0/0


Қаралды: 64, Қосылды: 08.08.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 736
Онлайн отырғандар: 14
Қонақтар: 14
Қолданушылар: 0
0:00 0:00
Saz-Alemi player