18-21 тамыз аралығында Шыңжаңда (Қытай) Халықаралық мәдениет және креативті индустрия көрмесі аясында Халықаралық кинофестиваль өтті.
Кинофестиваль мен шараға қатысушы мемлекеттердің мәдениеті туралы көрмені Қытай Халық Республикасының мәдениет министрлігі ұйымдастырды.
Кинофестиваль бағдарламасында қазылар алқасы назарына 78 фильм ұсынылды. Режиссер Бақыт Қайырбековтың «Мәңгілік аспан астында» атты ғылыми-танымдық фильмі «Инновациялық жоба» номинациясы бойынша жоғары марапатқа ие болып, Қытай Халық Республикасының мәдениет министрлігінің жүлдесін алды.
Еске салып кетсек, «Мәңгілік аспан астында» фильмін Қазақстан Республикасы Мәдениет және спорт министрлігінің тапсырысы бойынша Қазақ ғылыми-зерттеу мәдениет институты мен «Мерген» студиясы түсірген. Бұл жоба Нұрсұлтан Назарбаевтың «Ғасырлар тоғысында» кітабы негізінде Қазақ хандығының 550-жылдық мерейтойына арнайы даярланды.Кинофестивальге қатысушылардың ортақ пікірі бойынша қазақстандық фильмдер шетелдік көрермендердің тарапынан сұранысқа ие. Осы фильмдер арқылы адамдар Қазақстан халқының бай мәдениеті, салт-дәстүрлерімен таныса алады.

«Қазақстандық фильм кинофестивальдің лайықты жоғары марапатына ие болды. Фильм қазақ халқының мәдениеті мен өмірін жаңа тұрғыдан ашып, көрмеге келушілердің үлкен қызығушылықтарын тудырды. Біз бұдан былай екі ел арасындағы ынтымақтастықтың жемісті болатынына үміттенеміз»,-дейді Шыңжаң-Ұйғыр автономиялық ауданының Мәдениет департаменті директорының орынбасары Кенес Сани.

Сонымен қатар, Қазақ ғылыми-зерттеу мәдениет институты Халықаралық көрмеге қатысты. Көрмедегі институттың стендттерінен келушілер Қазақстанның бай туристік, инновациялық және инвестициялық әлеуеті, ғылымдағы жетістіктері, мәдениеті, жалпы ғылыми-зерттеу институтының қызметінен ақпараттық материалдармен таныса алды. Және де оларға кинофестивальде ұсынылған «Мәңгілік аспан астында» атты фильмді тамашалауға мүмкіндік болды. Көрменің жұмыс істеп тұрған уақытында қазақстандық стендті мыңдаған адам тамашалады.111

Дәреже: 0.0/0


Қаралды: 43, Қосылды: 22.08.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 700
Онлайн отырғандар: 20
Қонақтар: 19
Қолданушылар: 1
Admin
0:00 0:00
Saz-Alemi player