"Жұлдыздар құпиясы” порталының жаңа жобасы – Қазақстанның шоу-бизнес өкілдерінің рейтингісін жасау жұмысы іске қосылды. Аталмыш жоба аясында еліміздің танымал әншілерінің маусым аралықтарындағы жетістіктері мен жаңалықтары сараланып, ел ішіндегі жағымды не жағымсыз әрекеттері сынға алынып, әндерінің халық арасындағы танымалдылығы анықталып, қай әншінің алда, ал қай әншінің әлі көп еңбектену керектігі жазылады.
ҚАЗАҚСТАННЫҢ 10 ӘНШІСІ АТАЛМЫШ РЕЙТИНГКЕ ЕНЕТІН БОЛАДЫ. РЕЙТИНГКЕ ЕНЕТІН ӘНШІЛЕР ӘРДАЙЫМ АРНАЙЫ САУАЛНАМА АРҚЫЛЫ ТАҢДАЛАДЫ, СОНДЫҚТАН, ОЛАРДЫҢ НАҚТЫ КІМ ЕКЕНДЕРІН БІРГЕ БІЛЕТІН БОЛАМЫЗ.
Егер бұл жобаға қосылып, өз сүйікті әншілеріңіз үшін дауыс беремін десеңіздер "Жұлдыздар құпиясы” порталының фейсбуктегі ресми парақшасына хат жазуларыңызға болады.
Сонымен, назар аударыңыздар!



10. Рейтингіміздің ең төменгі сатысында бір кездері қара пияр үшін өзін түнгі клубта атып кеткені туралы ақпарат таратты деп айыпталған атышулы рэпер Сайлаубек тұр. МС Сайлаубек атанған жұлдыздың халық арасындағы танымалдылық деңгейі ойдағыдай болса да, көпшілік тыңдарман оны әлі де қабылдамайтынын жасырмаймыз. Жуырда ғана түсініксіз тілде рэп оқуын сәл доғарды ме екен, әйтеуір, Сайлаубек енді классикалық әндерді шырқаймын деп жар салды. Қайткен күнде де, МС Сайлаубектің эстрада төріне шығуы үшін әлі талай еңбектенуге тура келетіні сөзсіз. Тіпті, кейбір сарапшылардың айтуынша сахналық образын ауыстыру да тиімді болатын секілді.



9. Тоғызыншы орында "Супер Стар” жобасы арқылы халыққа танылып, кейін Ресей сахнасында ән шарқап үлгерген отандық эстрада жұлдызы Мақпал Исабекова тұр. Мақпалдың бұлай төмендеп кетуіне оның ел арасындағы жағымсыз образы себеп. Әншінің инстаграм парақшасына жүктейтін жартылай жалаңаш суреттері соңғы кездері тыңдарманның ашуын тудыруда. Әсіресе, Исабекованың өз тыңдармандарына дәретханадан сәлем жолдап, селфи жасағаны оның ел ішіндегі абыройына айтарлықтай нұқсан келтірді. Біздің жүргізген арнайы сауалнамамыз нәтижесінде де көпшілік оның әндерінен гөрі, эпатаждық стилін еске алып жатты.



8. Ендігі кезекті жоғарыда аты аталған Мақпалдың жан құрбысы Дильназ Ахмадиевада. Ахмадиева да құрбысы секілді өзінің жалаңаш суреттерімен ел есінде қалды. Дәретханадан сәлем жолдамаса да, Түркияда демалған әнші жартылай жалаңаш суретке түсіп, оған Алланың атын қосып пікір жазған. Аталмыш сурет әлеуметтік желіде едәуір шу тудырып, тіпті, ұлтаралық жанжалға ұласа жаздаған. Одан бөлек, Дильназ ханымның Елбасының қатысуымен өткен шараға төсқап кимей барғаны да БАҚ-та сөз болған еді. Осының бәрі "Золотой” деп ән шырқаған ханшайымның имиджіне кері әсер етпей қоймады.



7. Рейтингіміздің жетінші сатысында бірде актриса, бірде әнші, енді бірде енесімен сыйыспаған келін болып елге аты жайылған Меруерт Түсіпбаева тұр. Ия, сіз қате түсініп қалған жоқсыз. Түсіпбаеваның енесі туралы айтқандары елді талай шулатқаны бар. Одан өзге, "бір шалмен билесем екен” деп армандаған сәттері де әлі тыңдарманның есінде. Соңғы кездері Қайрат Нұртасты жамандап өзінің атына кір келтіріп алғаны да бар. Қайраттың қалың тыңдарманы Мерует ханымды сол үшін кешірмейміз деп ашуланғандарын да айтайық. Қалай болғанда да, бүгінде әндерінен гөрі Түсіпбаеваның сұхбаттары ел арасында көбірек айтылып кетті.



6. Алтыншы орын халықтың сүйікті топтарының бірі "МузАрт” ВИА-ның әншісі Сәкен Майғазиевтің еншісінде. Бүгінде елдегі ең беделді топтың солисі халық ішінде үлкен танымалдылыққа ие. Оның әндері  де көпке ұнайтыны баршаға белгілі. Алайда, соңғы уақытта Майғазиевтің қайырымдылық жасап жүргені туралы түрлі сөздер айтыла бастады. Солардың бірі өзінің қайырымдалық жасағанын жарнамалаған Сәкеннің қылығы көпке жақпай қалуында. "Мұқтаж жандарға қол ұшын созғаны жақсы, алайда, оны жалпақ жұртқа жаю дөрекілік” дейді біздің сауалнамамызға қатысқан кейбір тыңдармандар.



5. Бесінші орында – Қарақат Әбілдина. Үздік бестікке енген әнші өзінің шығармашылығымен де, образымен де елге жағымды. Соңғы кездері Қарақаттың өнер мектептері елді көп қызықтыруда. Астана мен Алматы секілді қалаларда Қарақаттың өнер студияларына баратын жас өнерпаздардың саны күннен күнге артуда. Жуырда Қарақаттың танымал күйеуі Қыдырәлі Болманов олардың жаңа ән жаздырғанын айтып, сүйінші сұраған болатын. Қазіргі уақытта әншінің өзінің бір сұхбатында "Балаларым орысша шүлдірлейді, оған мемлекет кінәлі” деп айтқаны ел арасында қызу талқылануда.



4. Төртінші орында еліміздің атақты сазгері Еркеш Шәкеев тұр. Көптеген хит әндердің авторы Шәкеев сахнадан көп көріне бермейді. Оның әндері Қазақстан ғана емес, көршілес елдердің де сахнасында орындалып, өз орынын ойып тұрып алғаны сөзсіз. Шәкеевтер отбасындағы қайғылы жағдай да көптің әлі есінде. Ұлынан айырылған Еркеш Шәкеевтің қайғысын күллі жұртшылық онымен бірге бөлісті. Қаза болған Сафарды Алматы қаласында іздемеген жан жоқ. Бұл оқиға маусым бойы БАҚ назарынан бір сәтке де тыс қалмаған.



3. Үшінші орында күллі қазақтың сүйікті әншісі атанған Мейрамбек Беспаев. Беспаев неге үшінші орында тұр деген заңды сауал туындауы мүмкін. Оның себебі де қарапайым. Маусым аралығында әнші туралы жаңалықтардан гөрі оның демалып жүргені көп айтылды. Тіпті, Мейрамбектің келін түсіргені де БАҚ-та талқыланғаны бар. Алайда, осы уақыт аралығында әнші үлкен бір оқиғалармен немесе жаңалықтарымен тыңдармандарын қуантпады. Тіпті, шетелде демалған кезінде инстаграмға жүктеген суреттеріне "Шетел бармай, елімізде демалсаңызшы” деп жазғандар да болды.



2. Екінші орында жыл басынан бері өмірі қызу талқыланып жатқан Баян Есентаева тұр. Ия, Баянның басынан өткен қайғылы жағдай көптің әлі есінде. Өмір мен өлімнің арасында жатқан Баян туралы талай мақала жазылып, талай сөздер айтылды. Еске сала кетейік, бүгінде Банды өлімші етіп сабаған оның күйеуі уақытша тергеу изоляторында отыр. Жақында ғана эксклюзивті сұхбат берген Есентаева өзінің құрбысы Динара Сәтжанға болған жайттың бәрін өзі айтып берген еді. Қалай болғанда да, бұл маусымда БАҚ-та ең көп талқыланған тақырып – ол Баянның тағдыры еді.



1. Ал енді, рейтингіміздің бірінші орнына да кезек келді. Бірінші орында, әрине, Қайрат Нұртас тұр. Қайраттың ел арасындағы танымалдылық деңгейі барлық әншіден де жоғары екені сөзсіз. Оның әндерін білмейтін жастар сирек шығар. "Кремльге барып концерт берсем” деп жүрген Қайраттың арманы жақында орындалады деп сенеміз. Тіпті, соңғы Оралда өткен концерт кезіндегі қыздардың жаппай төбелесі де оның рейтингіне еш әсер етпеді.

Дәреже: 0.0/0


Қаралды: 62, Қосылды: 12.09.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 720
Онлайн отырғандар: 18
Қонақтар: 18
Қолданушылар: 0
0:00 0:00
Saz-Alemi player