Танымал продюсер Ерік Тастембеков ұлын үйлендіріп, дүркіретіп той жасады.



Ерік Тастембековтің ұлы Дамир шаңырақ көтерді. Оның таңдауы Виктория есімді аруға түскен.



Белгілі продюсер отбасындағы осы қуанышты оқиғаға орай той жасап, оған отандық эстрада жұлдыздарының бірсыпырасын шақырды.Тойға Әли Оқапов, Серік Ибрагимов, белгілі әзілкештер қатысты.



Той Алматыдағы салтанатты мейрамханаларың бірі «Grand Opera»- да өтті.Бір қызығы, дәл осы 10 қыркүйек күні, бұдан тура бес жыл бұрын продюсердің қызы Дәмиля тұрмысқа шыққан екен. Сол себептен, 10 қыркүйек күні Тастембековтар отбасы үшін ерекше естеліктерге толы күнге айналып отыр.



«10 қыркүйек. Дәл осы күні, 2011 жылы менің қызым Дәмиля тұрмысқа шықты. Ал биыл ұлым осы күні шаңырақ көтеріп отыр. Бұл күн менің отбасымның жадында балаларымның өміріндегі ең бақытты күн ретінде мәңгі қалсын», — деп жазды ол желідегі парақшасына.



Желі қолданушылары арасында Дамирдің қалыңдығының ұлтына қатысты наразалықтарын білдіргендер болды. Олар продюсердің ұлын өзге ұлттың қызын алғанын сынады. Бұған қатысты продюсер қысқа қайырды.«Ұялатындай ешнәрсе көріп тұрған жоқпын. Мен, керісінше, ұлымды мақтан тұтамын. Оның таңдаған қалыңдығының ұлты мен үшін мүлдем маңызды емес, мен үшін оның бақытты болғаны маңыздырақ», — деп жазды ол.

Дәреже: 0.0/0


Қаралды: 52, Қосылды: 13.09.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 820
Онлайн отырғандар: 13
Қонақтар: 13
Қолданушылар: 0
0:00 0:00
Saz-Alemi player