«Ninety one» тобы Шымкенттегі «Түркістан» сарайында 2 қазан күні жеке шоу-концертін өткізбекші. Ал бұл жігіттердің өнер көрсетуіне қарсы болған жастар «Тәуелсіздік» саябағына жиналып, арнайы видеоүндеу жариялап отыр.
Әлеуметтік желілерде жарияланған бұл видеоүндеуде айтыскер ақын Нұрлан Есенқұлов: «Бізге азғындар емес, азаматтар керек. Бізге құзғындар емес, қырандар керек. Елін сүйген ұландар керек. Әнұранды асқақтатқан атамыздың ұрпақтары жынұранды асқақтатқан «Ninety one» тобының келуіне мүлдем қарсымыз», - дейді.
Ал жас ақын Мұқағали Кенжетайұлы: «Қазақтың сахнасында жүрген барлық өнер иесі келіп концертін беріп жатыр. Олардың ешбіріне оңтүстік тарапынан, жастар тарапынан, үлкендер тарапынан қарсылық болмаған бұл күнге дейін. Ал бұл топқа қарсы шығуға жүрегі қазақ деп соққан әрбір азаматтың құқығы бар деп ойлаймын. Олардың сыртқы келбетінен-ақ, біздің ұрпақты азғындыққа тәрбиелеп жатқаны айдан анық көрініп тұр», - деген пікірін білдірді.
Бұл видеоүндеуде белгілі әнші Заттыбек Көпбосынов, айтыскер ақын Қажымұқан Абзалов, тағы басқа жастар үн қатқан. Қазір видеоүндеу әлеуметтік желілерде қызу талқыға ұласып, пікір екіге жарылып отыр. Ал видеоүндеуді түсірген жастар болса «Ninety one» тобының концертін өткізуге жол бермейміз» деп бекініп отыр.


Дәреже: 0.0/0


Қаралды: 55, Қосылды: 14.09.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 755
Онлайн отырғандар: 5
Қонақтар: 5
Қолданушылар: 0
0:00 0:00
Saz-Alemi player